獨家丨吳海昕新劇被肌肉包圍爆《I SWIM》眾男神勁貪靚

2022-07-22 00:30

吳海昕（Sofiee）主演的ViuTV劇集《I SWIM》正在熱播，由開拍到播出都有極大迴響，事關劇中有呂爵安（Edan）、魏浚笙、邱士縉、王智德、P1X3L等，一眾男神配合游泳的主題，打正旗號海陸皆肌，而劇中飾演Miss翁的Sofiee更是日日對住一班肌肉男神。

文：林子棠、圖：鄧國良

吳海昕主演的ViuTV劇集《I SWIM》。

吳海昕於劇中與Edan有不少對手戲。

Sofiee大讚今次題材青春熱血，畏水的她更因此劇學識游泳。飾演老師的Sofiee每日被男神包圍，坦言：「的確有好多型男和肌肉睇，身邊好多人都羨慕，但其實拍攝時我都好緊張，因為是整套劇最多對白的角色，既要講戰術、又要做輔導、還要經常跟校長爭拗。而且做男校女教師必須要硬淨，角色講對白要無尾音、連珠炮發咁，快到後期配唔到音。為了氣勢夠強，我會腰骨挺直、翹着雙手，拍攝時真的有少少手瓜起𦟌。」

吳海昕有好多靚仔陪住拍劇。

位位都係肌肉男。

吳海昕都有落水戲。

爆Edan勁食番薯雞蛋
提到最難忘的事，Sofiee表示成班男仔感情要好，鏡頭後不時會拗手瓜，天寒地凍拍落水戲，凍到身體發紫，但令人感覺好爽、好熱血，更透露從未遇過一個劇組的男演員比女演員還貪靚！「男演員就討論如何keep fit，佢哋都好緊張自己體態，連續幾個月飯盒只有幾件雞肉和雞蛋，而Edan仲係食得最多番薯和雞蛋的一個！講到騷肌，大家都唔會怕醜收埋，因為練得太辛苦，上水搶先補妝嘅都係男演員，而且係補身上塊朱古力，講緊唔係6塊，係第7、8塊！」