夏蕙BB宣佈8月離港網民大呼不捨有指跟老公潘炳烈往美國定居

2022-06-10 14:00

現年91歲的「夏蕙BB」黃夏蕙，今日忽然在社交平台上宣佈將在8月離港，她謂：「無論身處世界某一個角落，我都會好掛住大家！」夏蕙BB在文中未有講會移居何處，但據知她會去美國定居，因她的女兒也在當地，而老公潘炳烈也會一同前往。以往每年皆以生肖造型到黃大仙上頭炷香的情景，將會跟香港人道別。

此情此境將會變成回憶。

今年因疫情關係，夏蕙BB只能到鬧市跟大家拜年。

今日在社交平台留言在8月離港。

夏蕙BB亦在留言中提到2012年D&G拍攝風波，她表示：「由D&G事件開始，叫我關心社會事情，教我用搞笑嘅手法，與民同樂。呢段時間，雖然艱辛，不過真係好開心！無奈，我懷着好唔捨得嘅心情！我要同大家講一句，8月我要走啦！我唔知幾時可以再喺香港同大家見面！我唔知大家會唔會掛住我！此時此刻，我只會同大家講，我無論身處世界某一個角落，我都會好掛住大家！」《頭條娛樂》曾致電夏蕙BB，但未有人接聽。至於經理人Simon回覆《頭條娛樂》時指夏蕙BB的確將跟老公一同往美國居住，以便女兒照顧，他又指夏蕙BB最不捨香港的；應正是他這個經理人。