猪肉威拍广告终于肯除罩 网民疯笑死都唔见牙：成个50岁大叔

 

 

 

荃湾街市猪肉档「肉类分割员」威威（刘宋威）因为戴咗口罩好靓仔而爆红， 日日成堆女人围住档口求合照，更有Fans开Page 「荃湾鲜肉威威应援团」支持，仲搞粉丝见面会同佢过生日，不知几威水。

不过，今年35岁的威威以前应该得罪唔少人，「有心人」开设「除罩威威留餸区」专页狂揭佢黑历史，近18000成员日日等睇威威陈年爆笑肉照上架，晚晚不知几热闹。虽然负面嘢缠身，但好一个威威，你有你爆，佢有佢继续做运动发放超强正能量，仲有广告拍添。

 

上个月，威威举行生日粉丝见面会，吸引数百粉丝到场。

 

威威陈年旧照不断出土。

 

为证明自己冇吸毒仲去验毒添，但得个验字，隔咗唔知几多个六日都未有报告。

 

日前，威威专页出Po表示好紧张：「人生第一个电视广告今晚首播，希望大家支持！」广告将于今晚8点半喺TVB及7点42分喺ViuTV播出，但下午已有30秒预告曝光，背景系威威个猪肉档，有班女人拎住电话狂影威威，班囡囡有对白㗎：「威威对眼好Charm呀。」、「威威手臂好大只呀。」配合画面当然见到威威冧死女嘅双眼，同一对久经训练嘅壮臂。

然后威威除罩真身终于曝光，佢示范食健康产品，再叉腰显示自己身体有几强壮，不过留意返，预告个YouTube唔知点解关咗留言功能，唔知系咪怕负评太多呢?

 

班囡囡学得好似威威猪呀。

 

哗，好近。

 

系大只嘅。

 

终于见到威威真身。

 

侧面其实都正常嘅。

千呼万唤，不过可能灯光影响发色，真系好Uncle。

 

威威猪可唔可以讲两句?

 

佢都系戴返口罩啦。

 

Feel到佢唞唔到气。

 

预告关闭咗留言功能。

 

预告一出网上即疯传，但笑佢嘅占大多数，留言相当抵死又爆笑：「个样睇落成个4、50岁嘅阿叔咁」、「死都唔开口」、「闭气闭到窒息喇」、「眼耳口鼻全部都硬过佢把猪肉刀」、「卖广告卖到杀父仇人咁，个客都几忍得佢」等，实在太多不能尽录，希望威威见到唔好唔开心啦。

再睇返「荃湾鲜肉威威应援团」，唔知Fans系咪吓亲，有「威威猪」PO咗威威真身出嚟，上载两个钟都系得200个Like，仲要留笑笑嘅占大多数，留言得42个，同以往争好远。
 

网民留言劲好笑。

 

好多网民好关心威威棚牙。

 

DU仔出处系威威教煮餸时讲薯仔讲到好似DU仔。

 

呢个睇得好透。

 

哈。

 

威威猪都系咁支持威威，好感动。

 

唔知威威猪系咪吓亲，Like数同留言比之前少咗好多。

 

星岛新闻集团庆回归25周年专题网站，请即浏览

立即下载 | 全新《星岛头条》APP :  https://bit.ly/3yLrgYZ