Phoebus＠P1X3L出首隻Solo歌 Ian讚做事認真Edan留言支持

2022-06-21 14:00

《全民造星II》冠軍、男團P1X3L的成員吳啟洋（Phoebus）出道接近3年，昨日（20日）終推出首支個人單曲《漸漸地》，除獲隊友George（歐鎮灝）和Marco（葉振弘）支持外，MIRROR成員Ian（陳卓賢）及Edan（呂爵安）亦於IG限時動態轉發並留言力撐，Edan表示：「Your dream comes true~」，而Ian 則大讚對方做事認真：「同佢拍劇，佢除咗寸吓我蝦吓我之外（講笑）（雖然真係有），佢都會問好多我做歌錄歌嘅嘢，佢係一個好認真對待每一件事嘅人，希望大家都認真聽吓隻歌。」

Phoebus出道接近3年，終於有自己的solo歌曲。

Ian大讚Phoebus做事認真。

Edan開心劇集拍檔Phoebus夢想成真。

至於MakerVille行政總裁魯庭暉在社交網以長文大讚Phoebus是一位不合比例地勤力的人：「對上兩年，同事們覺得Phoebus係一個『樣樣嘢都幾好但硬係好似唔夠多人鍾意』嘅人。試下綜藝、試下拍劇，而家，試下出Solo。我好遠好遠咁觀察，老實，我唔覺得佢啲戲好勁，啲歌好正，但係，每次我睇到嘅，係呢個人不合比例嘅勤力…」，又指Phoebus好珍惜每次的機會。

Phoebus獲魯生大讚，留言回覆：「多謝魯生！多謝你的鼓勵！呢番說話會成為我努力的動力，希望我哋三個唔會令你失望。」