P1X3L出道一周年獲粉絲落力應援 三子送靚相回禮答謝
2022-01-09 11:00 
由《全民造星II》冠軍Phoebus（吳啟洋）、George（歐鎮灝）及Marco（葉振弘）組成的 P1X3L，前年《全民造星III》總決賽宣佈成軍，去年1月正式出道，話咁快就出道一周年啦！剛奪得「叱咤樂壇生力軍組合銅獎」的三子，獲puzzle（粉絲專屬名稱）落力應援，除了租了巴士燈箱外，還舉行了「OMG PUZZLE IN WONDERLAND」為他們慶祝，佈置了大量組合的氣球裝飾及靚仔相等應援物品及蛋糕，令三子感動又開心。
隊長Phoebus在社交平台留言感謝fans，仲話會送靚仔相回禮：「P1X3L一週年快樂❤️，大家不要聽膩了，哈哈，謝謝大家的一切應援，很多很用心的禮物和鼓勵，我們都收到了，有時候很喜歡收到大家的文字，嗯，就是這樣，能更近距離地知道大家的想法，希望大家收到照片會開心，努力在準備我們的新作品🧩🚌」George亦有在社交平台向一直支持的粉絲道謝：「P1X3L一週年快樂！💚知道你哋為今次一週年準備咗好多唔同嘅應援，真係辛苦晒你哋❕也感激你們花了不少時間和心血去整紀念品❕感謝你們每一位願意花時間認識P1X3L.」
Marco在社交平台的謝詞寫得最長：「P1X3L成軍1周年啦！呢1年好似過得好快咁。可能係歡樂嘅時光過得特別快！呢1年真係有好多收穫，有出歌，有拍綜藝拍劇集！識到好好嘅團隊！識到好好嘅朋友！識到七師父！公司嘅同事都好錫我！但係最大嘅收穫就梗係佢兩條友嘅友誼同埋認識到🧩們啦❤️🧩真係好錫我哋😭有時我真係唔知可以點報答你哋！我唯一可以做嘅就係繼續用盡全力去表演同埋做好每一件事，我要話俾你哋知，你哋無鍾意錯p1x3l🔥」
立即下載 | 全新《星島頭條》APP :https://bit.ly/3yLrgYZ
最新回應