Frankie偷影媽媽祝母親節快樂 Stanley分享「嬲爆」童年照

MIRROR成員陳瑞輝（Frankie）趁今日母親節，於IG限時動態分享陳媽媽的照片，陳媽媽手上拿着名牌袋，相信是Frankie送的母親節禮物，完全冇注意鏡頭，睇嚟係想偷影陳媽媽收禮物一刻的反應。而Frankie都好識做，幫陳媽媽個樣打返格，「保護返媽媽個素顏先，Haha！」雖然打晒格睇唔到陳媽媽個笑容，不過有個孝順仔，一定好開心啦！

 

Frankie趁母親節，向陳媽媽表愛意。

 

陳媽媽有名牌袋做母親節禮物。

 

而另一位鏡仔邱士縉（Stanley），亦於IG限時動態分享童年與媽媽的合照，表示：「今日係我嘅龍母誕，祝天下母親，母親節快樂！」相中的邱媽媽笑得好開心，不過Stanley個樣就好似嬲爆爆咁，又冇笑容，唔知當下發生咩事令佢嬲爆爆呢？

 

Stanley呢張母子合照，影到佢個樣好似嬲爆爆咁。

 

Stanley祝天下母親快樂。

Edan（呂爵安）近日都忙於工作，又出新歌嚟緊又要同毛舜筠拍新電影，不過他亦沒有忘記母親節大日子。於IG限時動態分享主演電影《闔家辣》的花絮影片，他於片中狂對飾演他媽媽的梁詠琪（Gigi）說：「I love mommy.」Gigi都冧到爆呀！希望呂媽媽睇到唔好呷醋啦！

 

Gigi好冧，希望呂媽媽睇到唔好呷醋啦！

 

AL亦分享與媽媽的合照，祝「教母」母親節快樂。

 

更多新冠疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ