Juicy叮｜帶女兒借書不遂怒罵職員 躁父：講咁多廢話做乜
2022-06-09 16:13 
網民在facebook專頁「公務員secrets」上撰文，指昨日目睹一名年輕父親帶同女兒去圖書館借書不遂，竟眾目睽睽大罵職員「講咁多廢話做乜」，又揚言要向主管投訴，行為令人側目。
發文者指，昨日在某區圖書館櫃枱前，看到有一位年輕父親帶女兒去借書，職員跟他解釋他手上的卡不能借書，然後該名父親轉身離去，幾分鐘又折返，破口大罵：「你一早叫我拎身分證出來咪得囉！講咁多廢話做乜？」。
發文者形容，男子的聲量大得遠處都能聽到。職員冷靜回答了他的問題，然後該名父親突然發難：「我要投訴！你職員編號係幾多？叫你地supervisor 出來見我！」全程女兒在旁觀。
發文者批評，女兒在旁邊默默看著父親因為雞毛蒜皮的事就大吵大鬧，全程不敢發出一句聲音，「你的處事方式是最直接影響她如何看待這個世界。唉，看到職員無奈的樣子，香港生仔真的要考牌。」
有人就指，「圖書館其實不嬲都多怪人，又無收佢錢，個個當自己貴賓」、「用身分證借書。已經好多年啦」、「一係圖書證，一係有加咗借書功能的身分證⋯⋯無的即做囉，又唔係難寫的張表⋯⋯做咩燥底」。
不過也有人估計，「個客係有唔啱， 但係個職員如果冇提佢可以用身份證，咁又真係有啲奇怪」、「佢咁失控又係唔好嘅，不過個職員點解話佢聽張卡借唔到果陣唔講埋用身份證就得呢？睇黎係個爸爸知道張卡唔得，去咗問其他人。人哋就講佢聽其實身份證就得，呢位爸爸應該係覺得個職員玩自己，所以返去發脾氣」。
帖文轉載自「公務員secrets」
立即下載｜全新《星島頭條》APP：https://bit.ly/3yLrgYZ
最新回應