Juicy叮｜早年拒愛意今同學變上司 網民要稱呼「X生」感尷尬

正所謂山水有相逢，有網民在「公務員secrets」社交專頁撰文，早年拒絕了一名中學男同學的追求，搖身一變成為網民的上司，對此大感尷尬。

發文者稱，早前得悉部門會招聘，發文者見到名字很常見，以為巧合同名同姓，豈料真的是自己的男同學。發文者形容對方變了許多，穿起恤衫西褲乾淨企理，望落似乎真的事業有成，春風得意，已非當年的其貌不揚的男生。

高級文書主任叫發文者取文件入房給他看，順便講解工作範疇。男同學認得發文者，還友善地問候近況，完全無架子，「但咁樣反而令我覺得好尷尬，唔知點面對佢。」發文者慨嘆，「我已經唔可以好似以前咁直呼其名，而家要叫佢X生。」

網民的舊同學變成了上司。資料圖片

講解期間同學枱頭電話響起，發文者放低文件在枱面，細聲講：「X生，我出返去做嘢先。」發文者希望以後無需要單獨面對他。

帖文引來網民議論，有網民留言說，「可能佢今時今日，見返你，佢都後悔當時溝過你，亦都覺得好彩當時你唔受溝！」、「通常呢種劇情都係自作多情果個自己送上門」、「呢啲就叫山水有相逢喇」、「中學啫，大家果時仲細，唔需要咁介懷」。

資料來源：公務員secrets專頁

立即下載｜全新《星島頭條》APP：https://bit.ly/3yLrgYZ