Juicy叮｜坐港鐵遭鄰座女子手肘頂肚腩 港男：我係咪可以叫非禮？

車廂座位擠迫，乘客之間撞碰時有發生。一名男網民於討論區發文指，日前乘坐港鐵時，整個車程都被鄰座的女子用手肘頂到肚腩，令他無法入睡，慨嘆若兩人性別調轉，「我係咪可以大叫非禮？」，引起熱議。

該名男網民於「香港討論區」發文指，日前乘坐港鐵9卡列車時，一名女子坐在其身旁一個空位，樓主稱為了保護自己，「我立即縮埋啲坐，費事話我掂到佢」，惟不久他感到肚腩被人用手肘「掂」了一下，「望一望原來係女仔喺度搵嘢，所以唔小心手肘掂咗我肚腩一下」。

樓主直言，當時沒有理會，「諗住由佢，繼續瞓覺」，豈料該女子竟「成程車係咁用手肘頂到我肚腩」，令他無法專心睡覺，無奈慨嘆，「如果我係女仔，佢係男仔，我係咪可以大叫非禮？」、「點解男女咁唔公平？」。

帖文引起網民熱論，有網民笑言樓主應減肥，「檢討下個大肚腩」、「相對論：你個肚腩頂佢手肘」、「當你個肚腩係咕𠱸」；亦有網民指，「你唔檢討下自己頂到人嗰下先好嘢，大家畀咁多車費，你佔埋人哋空間」！

資料來源：香港討論區

立即下載｜全新《星島頭條》APP：https://bit.ly/3yLrgYZ