逃獄兄弟3丨譚耀文廚房肉搏黃德斌 負傷上陣稱已習慣

2022-06-02 03:00

譚耀文與黃德斌在《逃獄兄弟3》繼續合作。
譚耀文與黃德斌在《逃獄兄弟3》繼續合作。

電影《逃獄兄弟》系列來到第三集,今次加入陳豪飾演新獄長,一起鬥智鬥力破解另一場逃獄大陰謀。在第二集的結局,黃德斌由獄長成為階下囚,今集已成囚犯的他既陰險又可怕,與譚耀文飾演的獄中大佬起激烈衝突,當中一場打鬥戲,譚耀文更是負傷上陣,與德斌埋身打鬥。

 

譚耀文拍此場戲時,本身有傷在身。
譚耀文拍此場戲時,本身有傷在身。

 

二人對峙。
二人對峙。

 

拳拳到肉。
拳拳到肉。

 

其實譚耀文拍上一集時,已因一場翻車戲傷及肋骨,由於兩集是同時拍攝,因此拍到與德斌在廚房打鬥時,他唔錫身仍帶傷上陣,還表示已習慣:「習慣晒,自從做演員以嚟真係咩傷都受過晒,好彩對手係經驗豐富嘅德斌,拍得放心之餘效果又好。不過最深刻,記得我拍第一部電影就被一位泰拳高手打甩咗隻牙,可能佢以為喺擂台上面,所以唔怪得佢,咁我執番隻牙就即刻去醫院,止完血再返現場繼續完成拍攝。」德斌知拍檔受傷,故拍攝時特別小心:「因為那場戲大家都要埋身肉搏,又要將譚哥壓落枱面又要扭打,非常擔心會再傷到譚哥,但大家都很專業,又有好嘅武指在場度招,雖然過程辛苦,但最後大家都能順利完成,希望觀眾會睇得高興。」電影將於6月2日上映。

 

譚耀文話好彩對手是經驗豐富的黃德斌(左)。
譚耀文話好彩對手是經驗豐富的黃德斌(左)。

 

黃德斌坦言非常擔心會傷到譚耀文。
黃德斌坦言非常擔心會傷到譚耀文。

 

 

更多新冠疫情資訊,請到以下專頁瀏覽(按此)

立即下載|全新《星島頭條》APP:https://bit.ly/3yLrgYZ

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad