尋人記II丨失意單親爸爸曾兩度尋死 20年過後感慨良多

由方東昇、黃曉瑩、李曉欣及黃靖婷主持的TVB節目《尋人記II》第4集，找尋兩位曾經歷「男人之苦」的單親爸爸，分別是1999年《星期三檔案》主角黃國強，及2004年《星期一檔案》主角James。

 

全靠呢個花槽，攝製隊鎖定咗黃國強應該曾經活躍於樂富。

 

黃國強當年因太太離家出走多年，獨力承受工作、照顧子女及經濟等問題帶來的壓力，萬念俱灰的他曾兩度想自殺、並曾呆站天橋兩小時企跳，最終因不忍丟下子女打消念頭。黃國強自言不知如何做爸爸，當年囝囝跟不上學業，黃國強曾經半夜一點叫醒他做功課，囝囝委屈、爸爸生氣，令兩父子都落下男兒淚；他直言難以彌補對子女的傷害，曾寫一封信向囝囝道歉。

 

黃國強坦言全靠女兒就讀學校的校長一再關心，後來又與教會中的李姑娘再婚，組織新家庭。如今他的子女都長大不與他同住，他閒時就打理花花草草，過安逸生活。黃國強奉勸男士們有問題要講出口：「點都會有人關心，任何人都可以係傾訴對象。」

 

黃國強一直反思點樣可以做一個好爸爸，仲曾經寫信向兒子道歉。

 

黃國強帶攝製隊返回當年曾經試圖企跳之地，好彩最終因為對子女的不捨，令佢冇放棄生命同希望。

 

當年女兒學校嘅校長，令黃國強終能打開心窗，情緒因而獲得出口。

 

黃國強已經重組幸福家庭，並獲太太沿路一直支持及擔任樹窿。

 

James感激已離世爸爸勸勉

另一個案James當年失業兼失婚，一家三口靠七千港元綜援金過活渡過一年難關。後來他有位老闆朋友看到節目後，主動邀請他改行，從事樹木風險管理工作，令經濟狀況得以改善。James走出傷痛陰霾，更組織了新家庭。在節目中他亦感觸落淚，除多謝社區組織的朋友，更要多謝已離世的爸爸，在自己最難捱的日子經常探望自己和孫仔，更曾經問「頂唔頂得住」，讓他親切感受到親情可貴。

 

節目尾段，James落到一直幫方東昇尋找James的士多老闆娘，大家細說當年沙士時的難關，士多老闆娘更流下眼淚，人情味非常濃厚。James更寄語大家：「困難路上最緊要搵人同行，唔好收埋自己。行多一步就海闊天空，樣樣嘢都可以解決。」

 

James睇番已離世嘅爸爸大為感觸，表示全靠爸爸嘅愛及陪伴，才能安然渡過難關。

 

James嘅爸爸好關心兒子和孫兒。

 

James當年受訪談到一對子女時，一度心酸落淚。

 

老闆娘一直有記住攝製隊嘅「拜託」，落力眾裏尋James。

 

咁難得重逢，梗係要合照留念啦。

 

更多新冠疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ