尋人記II丨「投訴王」安仔自封「元朗特首」特首辦電話倒背如流

2022-05-20 14:30

TVB新聞及資訊部製作，由方東昇、黃曉瑩、李曉欣及黃靖婷主持的節目《尋人記II》，昨晚（19日）頭炮訪問是「元祖級投訴王」安仔，不過轉眼，安仔已變成安伯。早在1982年安仔首度亮相《新聞透視》，1987年投訴燒臘檔「賣燒肉搭燒骨」鬧至報警，一戰成名，安仔的領呔及皮鞋Look成為個人標誌，受訪後更要求電視台支付「打燈」電費，同樣令人留下深刻印象。去年4月，自稱「元朗特首」的安仔主動聯絡節目組要求受訪，表明不收電費，但當攝製隊迷路遲了10分鐘抵埗，安仔立即發出「追魂Call」。

當年受訪時穿上恤衫及打呔，成為安仔的個人標記。

當年不少節目都曾有安仔的蹤影。

安伯打電話狂找方東昇。

其實觸動安仔投訴四大主因有「呃秤」、「歧視」、「犯法」及「激起安仔把火」，自認報復心強的安仔揚言若與他「搞對抗」，必然「自食其果」。安仔曾因被取笑「傻仔」，將別人的單車掟落街，此外又亂倒豬油及連環致電騷擾，結果留下刑毀及傷人紀錄，但安仔堅持投訴有理：「佢冇錯處，我冇得投訴。有啲真係阻街嘅，無怨無仇我都照投訴。如果只係唔畀嘢我食就投訴，咁係勒索，好大罪。」安仔的投訴「武器」主要是電話，他更有寫滿政府高官聯絡的電話簿，對特首辦電話倒背如流，他更在鏡頭前撥通電話報上姓名後，甚至有專人「招呼」他，令不少觀眾網民嘖嘖稱奇。

方東昇終於拜訪，好似好驚咁樣。

安仔轉眼已變成安伯。

《尋人記》攝製隊每次都會讓個案主角重溫當年受訪片段，安仔全神貫注看畢經典的「買燒肉搭燒骨」事件，第一句即謂：「呢間舖頭畀我搞到執咗笠。」安仔強調最不滿並非店家燒肉不足秤，而是沒有列明會搭骨頭，他隨即唱出自創的「呃秤燒肉歌」：「半斤八両，骨頭佔咗二両，半斤八両，燒肉得番六両，家陣買燒肉，邊有半斤八両咁理想。」據知今晚播出一集，將公開安仔尋找攝製隊的真正目的，還有親人大談安仔不為人知一面，一位精神科專科醫生更和安仔擦出不少火花。