張栢芝42歲生日收黎姿大蛋糕 兩子一左一右送吻甜到入心

張栢芝已為三子之母，但一直保養得宜，今天（24日）迎來她的42歲生日，但栢芝未有大肆慶祝，只在IG限時動態貼了多張自家品牌的服裝及似是唱歌綵排的組圖；另在抖音上載一段短片，當中有大量栢芝年輕時的照片及劇照，以及母子合照，非常有愛。而其中一張大相，就見到大仔Lucas和二仔Quintus一左一右，親吻媽媽的臉頰，栢芝一臉陶醉，未食手上的cup cake已甜到入心。

 

片段有好多與兒子的溫馨家庭照。

 

兩子一齊錫啖媽咪，冧晒！

 

兩子已經就快高過媽咪。

 

栢芝自己貼出唱歌相片。

 

有心人送上玫瑰花黑森林生日蛋糕。

 

好友黎姿亦十分有心，送上紅玫瑰造型的黑森林兩層大蛋糕，上面寫着：「HAPPY BIRTHDAY Cecilia  」而栢芝則留言：「So Sweet！」以示謝意。

 

至於栢芝的工作室亦有在微博貼上壽星女的靚相，留言寫道：「夏秋冬春，更迭四季。一歲一禮，萬般歡喜。願逐光路上，不負心中所愛，坦然無畏，篤定前行。祝我們心懷熱忱的小姐姐張柏芝生日快樂！」不少網民都紛紛留言送上祝福，更大讚栢芝無論身材樣貌都絕對不似42歲。

 

有心人咪係好姊妹黎姿。

 

栢芝的工作室也送上生日祝福。

 

身為三子之母，平時已夠忙碌。

 

早前Quintus生日，栢芝幫佢整咗個由1歲到12歲嘅成長片段，好有心思。

9歲時候嘅Quintus，真係好似霆鋒。

 

12歲，生日快樂！

 

更多最新疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ