星島獨家丨兩子染疫康復放下心頭大石 杏兒大媽Look拎「紅白藍」復工搏殺

疫情肆虐下，不少藝人都失守中招，胡杏兒的二仔李奕霖（Ryan）及孻仔李奕宏（Liam）近日被踢爆因隨母北上工作不幸「中招」，事後胡杏兒亦直認事件，幸好兒子們已完全康復，放下心頭大石的杏兒亦可安心全情投入工作。日前本報直擊她於紅磡火車站為回歸劇《獅子山下．情》拍外景，以一身「大媽」造型上陣的她，一個鏡頭兩take搞掂！

 

自年前《演員請就位2》中奪冠後，胡杏兒獲央視邀請上春晚，演技亦廣獲好評。早前騰訊視頻開拍以香港回歸25周年主題作品《獅子山下．情》，據悉，該劇將以嶄新觀點撫今追昔，胡杏兒擔正做女一！

 

騰訊視頻開拍以香港回歸25周年主題作品《獅子山下．情》，胡杏兒做女一。

 

杏兒一身大媽look，仲揹住個好大嘅紅白藍。

拖住小妹妹，笑得好開心。

 

同場仲有樊亦敏。

 

完成戲分即戴罩

劇集去年在內地開拍，近日劇組轉移香港取景，拍攝當日胡杏兒和樊亦敏現身紅磡火車站拍外景，在劇中飾演內地來港新移民的杏兒，一身老土的「大媽」造型上陣，一Roll機，手持紅白藍膠袋的她就拖着一位小女孩興奮步出火車站，會合同劇飾演家庭主婦的樊亦敏，兩位專業演員兩Take搞掂。

 

早前杏兒兩名兒子確診新冠病毒，幸好已痊瘉，亦令她可以專心工作，在等埋位期間見杏兒查看手機及回覆訊息，相信是趁着空檔關心兒子狀況，認真廿四孝媽咪，而為了保障家人健康，每當完成一個鏡頭後，杏兒都立即戴上口罩和消毒，現場可見劇組的防疫意識亦相當高！

 

等埋位即回覆訊息，相信係趁空檔關心囝囝狀況。

 

唔使埋位就戴番口罩，防疫意識好高。

 

杏兒年前喺《演員請就位2》中奪冠後，演技廣獲好評。

 

更多第5波疫情資訊，請到以下專頁瀏覽按此  

立即下載 | 全新《星島頭條》APP :https://bit.ly/3yLrgYZ