星島獨家丨姜濤「重操故業」拖地清潔一腳踢《季前賽》快餐店取景Yoyo食唔停

2022-05-14 01:30

姜濤、梁業（肥仔）及葛綽瑤（Yoyo），早前為ViuTV新劇《季前賽》在一間屋邨連鎖快餐店拍外景，為方便拍攝，當日快餐店索性暫停營業。

現場所見，姜濤穿上快餐店員的黑色制服，同場的肥仔則穿着灰色恤衫上衣，劇情講述姜濤正在快餐店內拖地，其後Yoyo到達；拍攝期間，姜濤拿着地拖拖地有板有眼，令人聯想到他出道前曾任職快餐店，姜濤曾經透露自己在快餐店打工半年，又分享過一則拍攝趣事：「拍攝需要我『炒』薯條，快餐店職員走過來打算教我，誰知我一埋位就識得開爐自己『炒』，我仲記得第二日放假，所以我食晒啲薯條，當時劇組人員都很surprise，因為我第一次在劇組裏吃東西，平日我拍攝時不會進食。」姜濤對自己嚴苛，是因為體重高峰曾達200磅。

姜濤劇中要打掃快餐店。

快餐店要暫時營業。

由於拍攝當日天氣稍涼，不用埋位時，姜濤立刻披上外套保暖，坐在一旁的Yoyo則不時坐在一旁吃快餐店的食物，拍攝經驗較為豐富的姜濤和肥仔每拍完一個鏡頭後即和導演一起看playback，旁邊的Yoyo也探頭一同觀看，看完playback後，肥仔在休息期間把握時間和經理人濟哥一齊打機，兩人打機投入程度旁若無人，連「徒弟」姜濤坐在旁邊都察覺不到。

YoYo當日戲份唔多。

等埋位時食吓嘢。

肥仔同經理人濟哥坐埋一邊打機。

《季前賽》前後拍攝了大約五個月，劇組亦終於在本周三（11日）煞科，當日姜濤和肥仔穿着白色恤衫校服，現身黃埔公園拍煞科戲，同場還有穿着校服的Yoyo，當日拍攝一場肥仔和姜濤在Yoyo身邊經過的戲分，當肥仔向Yoyo示好遞上飲品時，卻遭到Yoyo拒絕，相反姜濤一出招，Yoyo即非常受落。這段劇情和姜濤曾透露在中學年代送禮物給心儀女仔，最後卻慘遭拒絕的結果相反。完成煞科戲後，姜濤在社交網貼出三張身穿Deep V西裝褸的靚仔相，並預告將於5月尾出走美國，雖然未有透露此行目的，但不少姜糖都紛紛留言大喊：「唔捨得」，更搞笑叫他：「七月記住返嚟開演唱會」。