有片｜星星TALK樓｜唱作歌手徐嘉蔚 自嘲置業要求好「奄尖」

香港樂壇復興，新生代音樂人如雨後春筍，雖然偶像派當道，但是亦有不少樂迷喜愛具有實力的唱作歌手，其中透過選秀節目入屋的徐嘉蔚（Emiko），空靈歌聲令人印象深刻，事實上，Emiko擁深厚音樂底蘊，曲詞監均能一手包辦，出道以來敢於嘗試不同曲風，拒絕只打「安全牌」，不過其理財觀念就相當安全，認為未來收入若增多有足夠首期，始終買「磚頭」最實際。

有錢都會買「磚頭」

與Emiko相約在葵涌錄音室見面，當天果然以一貫文青打扮現身，與其擅長抒情慢歌曲風如出一轍，而該處正是「大佬」（Emiko別名）曾作現場表演的地方。事實上，Emiko現時與家人同住，居所同樣位於新界區，她認為缺點在於升降機經常故障，慢慢開始萌生置業念頭。

上車物業旺中帶靜

「如果歌唱事業發展不俗，收入穩定下來，儲到錢我覺得都係買樓最好，雖然對地產無咩認識，但最簡單咁諗，租樓始終個地方係人地嘅，如果有咩問題業主唔續租，要搵地方搬就好煩，但如果自己地方起碼可以話事。」Emiko希望買樓但暫未有時間表，笑言先要儲錢購買新電腦，更方便地製作歌曲。「無話幾多歲前買樓，有錢就1歲都可以買，而家我嘅問題就係無錢，哈哈。」

至於現時居所的優點就在於交通方便，不同車站就在樓下，Emiko希望日後上車物業旺中帶靜，附近有便利店及戲院等民生配套。「我份人就好奄尖嘅，唔好太郊區又唔好太市區，有綠化但又唔要有蟲。」她自嘲道。

更多第5波疫情資訊，請到以下專頁瀏覽 : https://bit.ly/3JqiBzz

立即下載 | 全新《星島頭條》APP : https://bit.ly/3yLrgYZ