姜濤帶阿媽去半島食母親節大餐 玩嘢hashtag姜媽做「奶奶」

香港天團MIRROR將於7月在紅館開Show，時間無多，加上成員又各有工作，12子應該相當忙，不過母親節一年得一次，姜濤點都要抽時間同姜媽慶祝，當紅偶像當然唔可以四圍去，Book枱同阿媽食飯就最好。

 

從姜濤於IG上載片段可見，一行五人，包括兩男兩女加姜濤，一個係姜媽另一個好似姜媽嘅疑似係姨媽，地點係半島酒店，姜濤笑姜媽食飯好多甫士，留言笑稱：「我媽比我還專業…」並祝媽媽母親節快樂。另外，姜濤又另Po姜媽靚相，玩嘢hashtag阿媽做「奶奶」，皆因上月30日姜濤23歲生日時，姜媽曾現身「姜濤灣」打卡，大批「姜糖」（粉絲暱稱）狂叫姜媽做「奶奶」。

 

姜濤讚阿媽擺甫士叻過佢。

 

姜媽好開心，背景有半島酒店名稱。

 

姜濤叫阿媽做奶奶。

 

姜濤誕當日，姜媽被圍。

 

姜濤及姜媽。

另外副隊長江𤒹生（AK）在社交網上載跟19歲愛貓合照，事關昨日（8日）是母親節外，亦是AK愛貓「花花」的19歲生日：「珍惜與你相處的每一天，希望你繼續健健康康，每晚繼續保持中氣，瘋狂大叫。」
 

AK愛貓花花。

 

生日快樂呀花花。

 

更多新冠疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ