「巴士女神」何恩欣遭的士輾過腳掌 後腦撼地奇蹟僅受輕傷

為巴士公司主持多媒體節目而被封「巴士女神」的何恩欣（Yannes），早前不幸遇上車禍，與友人乘的士回家時，的士司機竟然未等她上車就開車，車轆輾過其腳掌，她憶述當時情況：「車門仲喺大開之際，的士司機竟然就踩油開車，瞬間的士嘅後轆就碌過我隻腳掌，然後我就失平衡向後跌撼親個頭。」友人見狀立即報警及召救護車，Yannes痛到出唔到聲兼頭暈，躺在地上動彈不得，幸仍能保持清醒。到醫院檢查後幸發現沒有骨折和骨裂，而的士司機和工會均願意承擔責任。

 

當時真係痛到瞓喺地下，動彈不得。

後腦撼地有啲頭暈，要上救護車送院。

Yannes自封「黑仔意外王」，幸最後沒有大礙。

 

意外發生兩星期後，Yannes昨日（8日）發文透露病況比想像中輕微，連醫生都說是奇蹟，並分享當晚車禍影片，及安然無缺的雙腿照片，自我安慰寫道：「我對42吋長腿(我就想😆)仲係完整無缺， 10隻腳趾都仲喺齊度，真係超級無敵感恩再感恩!🙏🏻 醫生都話絕對係奇蹟我隻腳俾車轆碌過都絲毫無任何骨折骨裂，後腦扻落地下都冇事…。」她稱現在膝頭和腳趾骨只有微小瘀腫，但仍不能行路得太耐，雖然自封「黑仔意外王」，但感恩有「大難不死之神」守護住她。謝安琪和姚子羚都留言祝福她：「Get well soon！」

 

雙腿安然無缺。

 

Yannes話依家只係剩返微小嘅瘀腫喺膝頭同腳趾骨。

 

更多新冠疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ