森美母親節Po童年照自認難教 6號姜皓文憶亡母望天上安好

2022-05-08 17:30
祝所有媽媽,母親節快樂。
祝所有媽媽,母親節快樂。

今日是母親節,圈中一眾孝順仔女都紛紛出Po,祝媽媽「母親節快樂」,不少明星更分享自己童年與媽媽的合照。森美今日於IG分享自己身穿校服,兒時與媽媽的合照,「母親節快樂,一睇我嗰陣時個樣就知我難教啦!我有今日,多謝媽咪。」更表示昨日(7日)已預早跟媽媽慶祝,今日再公開祝媽媽快樂健康,又稱昨晚(7日)唔記得Kiss媽媽,而家公開補番。但網民重點就放在森美以前個樣度,話完全認唔出係森美,又話佢真係愈大愈靚仔,咦?咁即係話森美細個個樣……又有網民話森美個樣似係被迫影相咁,不過點都好,可以肯定嘅係佢對媽媽嘅愛係真嘅!

 

森美自認兒時難教。
森美自認兒時難教。

 

森美分享童年與媽媽的合照,好多網民話完全唔認得佢。
森美分享童年與媽媽的合照,好多網民話完全唔認得佢。

 

反而森美媽個樣冇乜點變,Keep得幾好。
反而森美媽個樣冇乜點變,Keep得幾好。

 

近日忙於舉行《LIVE BY THE HARBOUR》音樂會的RubberBand(RB)主音6號(繆浩昌),今年是其母離世後,他經歷的第3個母親節,這天他亦於IG出Po,表示:「媽媽,母親節快樂!老實說,您走後每次唱《未來見》都有好大難度,綵排時我就失守了,但我之後還是會好好唱的,唱到最遠,您定會聽到的。」並感謝您總在天上眷顧著我們。其實去年他於《RubberBand Ciao 2021》演唱會,都曾剖白喪母心情,在台上一度爆喊,這段時間都靠寫歌記錄和抒發心情。

 

6號媽媽前年因病離世。
6號媽媽前年因病離世。

 

6號出Po祝媽媽,母親節快樂!
6號出Po祝媽媽,母親節快樂!

 

而14歲就喪母的姜皓文亦上載與媽媽唯一的合照,「妳在遠方的另一個世界過得好嗎?媽,我想妳。」並祝願天下母親健康快樂。洪永城就受疫情影響,3年冇見過媽媽,「我喺香港,你喺台北,無見三年,好彩見你都生活得精彩,一時又喺廣場跳舞、一時又去上哲學堂送啲金句畀我、又啱啱去完澎湖旅行、又叻叻識得執相P圖。」又話媽媽高興,他就高興,去年底榮升人父的他,亦向媽媽表示:「好快見面,孫女等緊你。」

 

姜皓文喪母逾40年,母親節分享與媽媽的唯一合照。
姜皓文喪母逾40年,母親節分享與媽媽的唯一合照。

 

洪永城與媽媽分隔兩地,已經3年冇見面。
洪永城與媽媽分隔兩地,已經3年冇見面。

 

洪永城媽媽不時Send相畀阿仔,仲被阿仔爆學識P圖。
洪永城媽媽不時Send相畀阿仔,仲被阿仔爆學識P圖。

 

洪永城今年都陪老婆過第一個母親節。
洪永城今年都陪老婆過第一個母親節。

 

另外,洪卓立、薛凱琪、范冰冰、楊丞琳、楊潮凱、胡定欣、王梓軒等都上載與媽媽的合照,祝賀母親節快樂。而與霍建華育有一女的林心如就在IG分享,相信是女兒送的手造小禮物,並留言:「謝謝寶貝。」睇嚟好冧呀!
 

洪卓立細個好得意。
洪卓立細個好得意。

 

薛凱琪分享童年與媽媽的合照。
薛凱琪分享童年與媽媽的合照。

 

薛媽媽後生好靚。
薛媽媽後生好靚。

 

范冰冰晒母女合照。
范冰冰晒母女合照。

 

楊丞琳同阿媽好似樣噃!
楊丞琳同阿媽好似樣噃!

 

楊潮凱深明父母的辛勞。
楊潮凱深明父母的辛勞。

 

孝順女定欣母親節當然要陪吓媽媽啦!
孝順女定欣母親節當然要陪吓媽媽啦!

 

王梓軒陪長輩過節。
王梓軒陪長輩過節。

 

鄺文珣同媽媽一樣都生咗3個小朋友。
鄺文珣同媽媽一樣都生咗3個小朋友。

 

廖碧兒都好耐冇見父母。
廖碧兒都好耐冇見父母。

 

鍾舒漫同媽媽十足餅印咁。
鍾舒漫同媽媽十足餅印咁。

 

更多新冠疫情資訊,請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章