Juicy叮｜幫朋友買近千元保健品交其丈夫後遺失 網民不忿被索賠一半

有女網民在「親子王國」討論區發文，稱幫朋友網上買了約900元保健品，貨物交對方丈夫後遺失貨物，網民竟被朋友要求承擔一半貨款，令她火冒三丈。

女網民解釋，幾星期前幫朋友在一個保健品網站購買約900元的營養補充劑, 因為近日雙方都太忙，所以兩星期就叫她老公送貨給朋友的丈夫。當貨物交到朋友丈夫手上後，之後整整兩星期朋友都無討論過墊支金額，好似完全無一回事。女網民於是就發訊息向對方闡明總金額，叫對方有時間再支付。

豈料對方說沒有收到補充劑，女網民堅持已經送達對方丈夫，擾攘一輪原來對方丈夫不知道將整個包裹遺漏在哪裏。朋友考慮一輪之後，「佢冇收過啲貨，佢話不如同我一人一半分擔」。網民聽罷立即拒絕，「有冇搞錯呀，而家我地唔係揾速遞，你老公整唔見唔關我事喎！」。朋友卻堅持事實上沒有收過這批貨，網民聽完大為憤概。

網民幫朋友買保健品交其丈夫後遺失貨物，竟被要求賠償一半貨款。《愛回家之開心速遞》示意截圖

 

女網民指，經常幫對方網購，之前都試過交貨給朋友丈夫，每次朋友都不會第一時間繳清貨款。這次對方說近日很多人網購被盜用信用卡所以找人代購，網民相隔兩星期才追問，以為交了貨就無需跟進。網民又心有不甘，「不過我覺得如果收佢450，我就承認自己都有責任，我寧願900蚊豪畀佢！」

帖文惹來熱議， 不少人奉勸發文者認清對方人品，指「呢啲係朋友？絕交喇」、「唔好再同佢做朋友，900當跌咗」、「你朋友好老土喎。老公收咗貨，唔理包野去咗邊樹喎，梗係要找數架啦！cheap人嚟喎，幾舊水睇清楚佢人格」、「問佢老公俾返包貨你，俾唔到貨就收全部貨錢。一定唔會收一半。絕交」

帖文轉載自「嬲到就黎爆血管」

立即下載｜全新《星島頭條》APP：https://bit.ly/3yLrgYZ