蒙嘉慧疑隔空撒嬌呻噚晚食唔到麵網民問：鄭州伊麵？

2022-05-07 23:30

鄭伊健與蒙嘉慧（Yoyo）早前被爆移居日本福岡，並在當地投資百萬港元開設房地產經紀公司。近日伊健在台灣忙於拍劇，而Yoyo就留在日本打理生意，Yoyo不時都在facebook分享吓近況，今日她Po出兩張於夾公仔店拍的照片，其中一隻反白眼表情的公仔引起Yoyo注意：「可愛い真係好想夾一個送比（畀）社長👈🏼會計部，我禽（噚）晚食唔到嗰碗麵嘅樣。」網民都想知Yoyo係咪想借意向人在台灣的伊健撒嬌：「咩麵呢？」又問Yoyo係咪講緊「鄭州伊麵」？

Yoyo與老公鄭伊健早前移居日本，開設房地產經紀公司。

鄭伊健在台灣忙於拍劇，與老婆分隔兩地。

Yoyo於facebook分享近況，網民質疑她向老公隔空撒嬌。

啲網民真係好風趣。

一向很喜歡與網民交流的Yoyo都有回答吓網民問題，有網民質疑她年紀都唔細，仲玩夾公仔？Yoyo就表示：「老公係高手嚟㗎！」果然講到玩，真係難唔到伊健呀，原來連夾公仔都咁拿手。有網民就將重點放喺隻公仔個表情度，「夾隻返去，當伊健唔做家務，show呢隻公仔畀佢睇！」不過Yoyo在家似乎唔使煩做家務，「佢忍耐力唔夠我高，佢一定會忍唔住做咗先……」真係幸福嘞！