獨家丨何廣沛扮嘢扮上癮「耶穌」Look首曝光 馬貫東被喪屍圍咬驚住拍

2022-05-07 07:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time -:-
 
1x
    • Chapters
    • descriptions off, selected
    • captions and subtitles off, selected

      頭條獨家丨何廣沛扮嘢扮上癮「耶穌」Look首曝光  馬貫東被喪屍圍咬驚住拍
      頭條獨家丨何廣沛扮嘢扮上癮「耶穌」Look首曝光 馬貫東被喪屍圍咬驚住拍

      以喪屍為主題的喜劇《食腦喪B》,下周踏入結局篇。近期獲力捧的何廣沛飾演的主角「余陽光」,經常以不同造型現身,《頭條》之前就率先公開佢扮豬在中環四圍爬,今次再獨家佢嘅激似「耶穌」造型,仲會預告馬貫東(十仔)演的「輝哥仔」,被喪屍瘋狂圍咬,拍劇當然唔會真咬,但拍攝時正值疫情嚴峻的第一波,一班喪屍哥哥擘大口進攻十仔都咪話唔驚。

      採訪:杜杜

      2020年4月,《頭條》首曝光廣沛在中環扮豬周圍爬。
      2020年4月,《頭條》首曝光廣沛在中環扮豬周圍爬。

       

      廣沛笑指扮「耶穌」經常被人敬拜感覺良好,「高高在上幾過癮幾好玩,可惜得一千零一場。」
      廣沛笑指扮「耶穌」經常被人敬拜感覺良好,「高高在上幾過癮幾好玩,可惜得一千零一場。」

      廣沛以「耶穌」造型現身,全因「陽光」發生意外後昏迷一段好長時間。廣沛解釋:「醒返就滿面鬍鬚,成頭長髮,畀人以為我係『耶穌』,場戲係有啲錯摸,都幾得意!唔係夢境,但可以扮吓類似『耶穌』角色,幾過癮㗎!呢套戲除咗食腦後會模仿其他人之外,有啲特別嘅造型,希望畀到啲唔同嘅畫面觀眾睇。」

      廣沛表示扮「耶穌」,較扮喪屍更輕鬆。
      廣沛表示扮「耶穌」,較扮喪屍更輕鬆。

       

      首次黐鬚的廣沛,終於感受到咩係食嘢有難度。
      首次黐鬚的廣沛,終於感受到咩係食嘢有難度。

       

      人生首次黐假鬚

      廣沛表示差不多每兩集就會有新造型出現,笑指雖然幾忙,但亦都好好玩,特別今次扮「耶穌」,原來是他首次黐假鬚,「只係古裝試過黐頭套。」廣沛笑言聽前輩講黐鬚辛苦,連食嘢同搲痕都有難度,今次終於親身感受到,「食嘢都驚整到啲鬚,畀啲鬚遮住嘅位有啲痕,只可以輕輕掂吓。」

      被誤會以為是「耶穌」的「陽光」,受到上賓式待遇。
      被誤會以為是「耶穌」的「陽光」,受到上賓式待遇。

       

      廣沛呢個樣,又真係幾似外國人。
      廣沛呢個樣,又真係幾似外國人。

      對於「耶穌」造型,廣沛第一個反應是覺得自己變了國籍,「可能我輪廓比較深,黐埋啲鬚,真係有啲中世紀鬼佬嘅感覺,都呃到吓人囉!以為我真係混血兒或者外地人。」不過他最開心連同事都覺得神似,「試造型時,着完啲衫黐完假髮同埋啲鬚周圍行,啲人唔係話你做咩扮鬼扮馬,而係問『你點解喺度扮耶穌』,一睇已經知,證明個造型好成功。」

      「輝哥仔」被「Scott」設局,結果被困喪屍堆。
      「輝哥仔」被「Scott」設局,結果被困喪屍堆。

       

      十仔畀喪屍圍咬,場面拍得好逼真。
      十仔畀喪屍圍咬,場面拍得好逼真。

       

      奮力反抗的「輝哥仔」,要狂打喪屍求生。
      奮力反抗的「輝哥仔」,要狂打喪屍求生。

      讚師弟演喪屍掂

      下周劇情另一個亮點,就是十仔演的「輝哥仔」被發現真正身份是特工「申屠正輝」後,會跟黎振燁演的「Scott」反面收場,更被大量喪屍包圍狂咬,結果當然難逃變成喪屍的命運。拍攝當日場面相當迫真,原來劇組邀請了一班訓練班同學飾演喪屍,個個都相當投入,身為訓練班師兄的十仔都大讚,「佢哋演繹啲喪屍好傳神。」十仔又笑言要同班喪屍搏鬥,用咗好多真力,拍完相當攰。講到劇中經常會擔住支牙簽,他解釋箇中原因,「係由細嘅習慣,唔擔牙簽嘅時候,個人會好𤷪𤺧,function唔到。」

      一班訓練班師弟演喪屍咁掂,十仔當然要同大家影相留念。
      一班訓練班師弟演喪屍咁掂,十仔當然要同大家影相留念。

       

      十仔同工作人員於拍攝空檔踢波輕鬆吓。
      十仔同工作人員於拍攝空檔踢波輕鬆吓。

       

      更多新冠疫情資訊,請到以下專頁瀏覽

      按此 https://bit.ly/3JqiBzz

      立即下載 | 全新《星島頭條》APP https://bit.ly/3yLrgYZ

       

       

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策