MIRROR紅館飛被黃牛黨炒至癲價 44萬坐第一行值唔值？

MIRROR人氣勢不可擋，12子將於今年7月首度登陸紅館開10場演唱會，掀起全城搶飛熱潮；「鏡仔」為還飛債而煩腦、圈中藝人個個呻買不到飛，據聞連是次演唱會的贊助商都只獲分配2張門票，絕對是一票難求！

今次MIRROR的演唱會門票每張價格分1,280元、880元及480元三種，但仍未正式公開發售，鏡粉已要求實名登記購買。皆因日前有信用卡客戶優先訂票1小時已瞬即售罄，「黃牛黨」就趁機出動賺大錢，於網上售票平台放售門價。一張貴價飛開價2至3萬元，更有人聲稱有第1行靚位，由原價1,280元的貴飛炒賣至近44萬元「癲價」一張，另有人開價37萬元一張；但有鏡粉覺得黃牛票價太誇張，相信是有價冇市，而MIRROR亦早已呼籲粉絲不要買「炒飛」，未知主辦單位會否再加開多幾....十場應市？！

 

MIRROR今年首度踏上紅館舞台，人氣勢不可擋！

網上售票平台，有人開價近44萬元第1行靚飛，但咁貴係咪真係有人買？

 

MIRROR一早呼籲鏡粉唔好買「炒飛」。

未知主辦單位會否加堆再加堆演唱會場次應市？

 

更多新冠疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ