GD暴瘦出席摩納哥時裝Show 激薄身形胸口見骨變中童

2022-05-06 17:45

上月5日，BIGBANG帶著睽違4年的新歌《Still Life》回歸，橫掃全球榜單，由於MV中暗喻告別畫面，成員又無合體，又出現Goodbye歌詞，以及講明唔會有任何宣傳活動，加上T.O.P宣佈唔續約YG娛樂，又發告別文兼刪除IG所有BIGBANG的照片，歌迷估計歌曲是BIGBANG的告別作，相信要睇BIGBANG合體表現應該有排都冇可能。

BIGBANG上月推出回歸歌。

發表回歸曲一個月，33歲隊長G-Dragon終於蒲頭，本周二晚現身首爾仁川機場出發到摩納哥蒙地卡羅出席CHANEL時裝Show，GD一直被稱為着 CHANEL女裝最靚嘅男人，但當日嘅佢非常纖瘦，暴瘦身形引嚟網民熱話。

GD現身機場，雖然着厚衫但都覺得佢瘦。

有歌迷喺荷蘭見到等轉機嘅GD。

今早，GD上載一堆出席時裝Show嘅相，着上春裝嘅佢更加單薄，粉藍外套及貼身黑色牛仔褲下相當瘦弱，由於衣着關係，較上機 Look瘦得更明顯，之後佢再換一套黑白間條背心外披粉藍外套及寶藍色寬身褲，心口瘦到見骨，身形如中童相當嚇人。夜晚GD再連換兩套衫出席晚宴及After Party，雖然瘦但見精神唔錯，希望身體無咩大礙啦。