江嘉敏自爆被TVB男藝人作歌力追 丁子朗 胡㻗成嫌疑人物

江嘉敏接受林柏希主持的網上節目《月傾會》訪問，大談新劇《食腦喪B》兩位拍檔何廣沛和郭子豪，更大爆曾被同公司二線小生追求，但拒絕透露是誰。

江嘉敏接受訪問玩自爆。

訪問中提及合作對手何廣沛。

 

江嘉敏坦言從來冇跟圈中人拍拖，但承認被同台一位斯文、青靚白淨，仍在努力上位的小生熱烈追求，她大讚對方溫柔又Sweet，但始終沒跟他一起，她謂：「嗰排我未係一個適合狀態拍拖，所以我唔會同佢一齊！佢作咗一首歌畀我，仲拍咗個MV，係咪Sweet呀？我由懂事以來未經歷過咁Sweet嘅嘢！佢唔係歌手但好有心機地用我個名作一首歌，將想講嘅嘢寫晒喺首歌入面！」至於嫌疑人身分，江嘉敏堅持保密，只透露男方姓氏不普通。而根據線索，剛滿約的余德丞、許家傑、伍允龍、丁子朗同胡㻗都成為嫌疑人物！

 

有無人知係邊個啫?

胡斐。

丁子朗。

 

提到早前跟圈外男友Anthony分手，她直認二人沒明確講分手，但存在好多問題，令她學到要溝通，她坦言分手後哭了近兩個月，因為二人始終一起四年。她又指因為「是非精」的形象而不開心，如那些不和傳聞、搞人夫甚至遊船河事件等等，個人努力完全被負面新聞扼殺。

 

江嘉敏同前度分開應該極不愉快，男方已取消IG帳號。

 

更多新冠疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ