Cloud棄穩定OL工作簽公司圓歌星夢 郊外拍MV慘成蚊子大餐

曾參加《全民造星III》的雲浩影（Cloud），正式加盟寰亞音樂，日前為處女派台歌《願望之翼》上山下海拍MV，一身白色紗裙仙氣逼人。第一首歌，第一位聽眾當然是最親的人，就是Cloud的媽咪，Cloud說：「原本我想首歌做晒混音編曲，完整好晒先至畀媽咪聽，但佢成日追問我出歌未。我知無論點樣媽咪都一定話好，我做乜佢都大力支持，所以畀媽咪聽咗，果然話好聽，至於妹妹話等聽出街版本嘅驚喜。」比賽結束後，Cloud曾返回原本工作崗位繼續做OL，但一直放不下心中的歌手夢，最後決定捉緊機會簽約公司當歌手。

 

以一身白色造型示人，仙氣十足。

 

MV在郊區拍攝，結果Cloud不停被蚊咬。

 

要有仙氣效果，都要工作人員拿風機吹風配合。

 

MV拍攝當天，Cloud清晨隨著團隊由出發，搭船到小島上拍攝大海和藍天白雲，工作人員更要帶着床褥上山拍攝，Cloud表示：「多謝團隊準備咗好多好靚嘅道具，連途人都走嚟影相打卡，然後竟然喺個山坡草地上搭咗間睡房出嚟，好神奇。雖然同啲蚊作伴，同埋咁多人圍住我拍嘢，但純大自然海景，瞓上床真係好舒服，十足一個無敵Staycation！」 

 

除了白色仙氣look，Cloud還有一個露肩裝的造型。

 

仲有小妹妹助陣演出。

 

 

更多新冠疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ