Edan原拒搵教主Jer客串演出《Elevator》MV上架5日點擊逾170萬

2022-04-06 19:00

MIRROR成員呂爵安（Edan）於4月1日推出跳唱新歌《Elevator》，MV上架短短5日已吸逾170萬點擊，成績不俗；而MV中更大放彩蛋，請來隊友盧瀚霆（Anson Lo）及柳應廷（Jer）、阮小儀、羅家英等多位圈中好友客串，甚有驚喜。

Edan昨晚（5日）在社交網自爆原本沒打算找兩位隊友參與MV拍攝，他寫道：「睇MV見到佢哋嗰陣Surprise嗎？本身冇諗過搵佢地出演呢個MV，點知導演話想搵兩個好唔似工人嘅人做，就suggest佢兩個。雖然我唔知Jer邊忽唔似，不過有個入型入格都好嘅。Anyways，有你哋兩位出現係開心嘅。」

Anson Lo（右）和Jer的出現，令鏡粉充滿驚喜。

三兄弟在MV中扮鬼扮馬，好搞笑。

其實Edan私下好多謝Jer和教主出手幫忙。

Edan 的搞笑貼文惹來兩位隊友不滿並留言反擊，Anson Lo謂：「意思即係其實好唔想搵我哋岀演？」Edan 即補鑊表示：「絕對是我的榮幸啦，點會辛苦呢。」而Jer則留言問：「戲黎（嚟）講，你識咩。」Edan亦繼續搞笑再寸好兄弟：「唔怪得知而家做戲，成日都叫我哋做返自己！叻！！」再度笑指Jer飾演工人入型入格。