Juicy叮｜連鎖酒樓紅豆沙驚見半隻曱甴屍 網民：另外一半喺邊?

外出用膳，最怕是食肆不乾淨。近日有市民到藍田一間連鎖酒樓分店吃飯，在享用紅豆沙時，發現紅豆沙內驚現半隻「曱甴屍」，即時被嚇壞，在網上分享事件。事件引起網民熱議，有人擔心另外半隻「屍骸」的去向，亦有人留言指「好恐怖」、「有心理陰影」；有網民似乎看得開，留言「出街食要預咗」、「外出食嘢…難避，所以要睇清楚啲」。事主其後於留言區透露，已就事件報食環署，督察當日前往現場拍照及檢走曱甴屍體化驗。

事主在「香港自助餐、放題及雙餸飯集中討論區」Facecbook討論區發帖指，指他日前到一間連鎖茶樓用膳，食紅豆沙時，撈下撈下，竟然撈出半隻「小強」出來，網民見狀，紛紛留言「好恐怖」，有人斥酒樓「過份」，有人留言「酒家有責任送食物到客人枱面係安全食用，應多加留意送出的食物……如不合食用應停止供應。」又指「如發現有小強，應該即時停止煲中紅豆沙出售，以免令客人不安。」

另外，有網民擔心另一半曱甴屍的去向，笑言「上面果半分咗第個人…」、「全屍可能仲好啲，唔見左半隻仲驚！」。亦有網民稱「出街食飯預咗」、「出去食嘢好難完全避免，自己睇清楚啲」。

事主其後於留言區留言，指當日已就事件通報食環署，督察亦有到場拍照及檢走「小強」屍體。事主又透露，酒樓知悉事件後，未有提供免單優惠。

資料來源：香港自助餐、放題及雙餸飯集中討論區 FB

立即下載｜全新《星島頭條》APP：https://bit.ly/3yLrgYZ