獨家丨保錡首爆跟沙律分手原因 自認樣衰冇禮貌重新學做人

2022-04-29 07:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time -:-
 
1x
    • Chapters
    • descriptions off, selected
    • captions and subtitles off, selected

      保錡明白給人猥瑣感覺,是很難改變的睇法。
      保錡明白給人猥瑣感覺,是很難改變的睇法。

      ERROR成員保錡(吳保錡)推出首支派台歌《猥瑣》,花姐向《頭條》透露選在復活節推出寓意重生。果然訪問當日,31歲的保錡似是脫胎換骨,變得成熟又謙卑,更坦認自己樣衰兼廢柴,改變全因他一直恨做歌手,有了出歌目標,加上「自我放假」時反省,踢走冇禮貌等缺點。提到舊愛沙律(張沛樂),保錡唔覺意透露咗分手原因。

      採訪:杜杜 攝影:沈健程

      形象:@chloemakcm@agneshuins@chloemakfc

      髮型:Harris Lai@Chic Private I Salon

      化妝:Cori Wong@Annie G. Chan Makeup Centre

      服裝:@rickyy.wong_official@oamc_official from@hbxhk@dr_martenshk

      自知樣衰的保錡,靠狂做facial兼用護膚品,加上做運動減肥改善。
      自知樣衰的保錡,靠狂做facial兼用護膚品,加上做運動減肥改善。

       

      首次單飛作,保錡勇敢地向黃偉文(Wyman)邀詞,「我直接問『Wyman老師你好,我嚟緊出首歌,可唔可以邀請你幫我寫詞』佢話時間上要睇吓,但最終都接受咗,真係好好彩。」對於被Wyman賜「猥瑣」,保錡完全唔介意,「佢畀得我梗係好尊重,一定有佢嘅意思,我呢啲咁嘅新人,搵到佢寫詞好難。」

      保錡膽粗粗親自邀Wyman為《猥瑣》填詞。
      保錡膽粗粗親自邀Wyman為《猥瑣》填詞。

       

      保錡認「自肥」,《猥瑣》MV搵來偶像李靜儀(Heidi)做女主角。
      保錡認「自肥」,《猥瑣》MV搵來偶像李靜儀(Heidi)做女主角。

       

      以張家輝為榜樣

      對於猥瑣,保錡自認是藝人世一,「照鏡都覺得自己猥瑣,我可能係全世界娛樂圈最猥瑣嘅人。垃圾、廢柴、樣衰、MK,真係百般缺點在身上。」曾因被指似八両金而爆粗鬧網民的他竟說:「話我似八両金係侮辱咗本尊,我係差過佢,唔想影響人哋,好似黐佢金糠咁,本身人哋唔識保錡呢個人,但因為咁聯想到,多謝佢哋𠻹啦!」以往好介意負評的他亦已接受,「在意就係受傷嘅一種,就會同佢哋反駁,但𠵱家唔需要,直接認。」

      以往保錡聽到負評,但又改變不到別人觀感,曾覺得很受傷。
      以往保錡聽到負評,但又改變不到別人觀感,曾覺得很受傷。

       

      保錡曾因被指似八両金而鬧網民,但現在已想通。
      保錡曾因被指似八両金而鬧網民,但現在已想通。

      保錡自認缺點多不勝數,好需要改正,「我啲缺點多到每日都要警惕住自己要改,譬如冇禮貌,又成日誤解啲嘢,以為有啲小聰明就口出狂言。」他亦明白貼地不代表可以冇禮貌,「呢樣嘢係相對,我冇禮貌,人哋對返我咪冇禮貌囉!我係好希望改正呢樣嘢,唔想繼續成為呢啲人。」保錡想成為更好的人,更以偶像張家輝為榜樣,「佢話過以前好唔鍾意做『化骨龍』,但係佢有做,仲做得好好𠻹!呢樣嘢話畀我聽,雖然自己唔係好鍾意搞笑,因為終極目標係做音樂,呢樣先係我夢想,但人係要有過程,咁我咪做好每一件事囉!」

      1999年,保錡偶像張家輝跟李修賢合演電影《化骨龍與千年蟲》。
      1999年,保錡偶像張家輝跟李修賢合演電影《化骨龍與千年蟲》。

       

       

      去年保錡「自我放假」期間,出席《口罩小姐》活動全程冇反應。
      去年保錡「自我放假」期間,出席《口罩小姐》活動全程冇反應。

       

      自認冇資格拍拖

      保錡坦言會做好份工𠱁眾開心,「每個人都有好多面,做ERROR時一定做返ERROR先會做嘅嘢,做音樂時就會好認真表達返音樂想表達嘅嘢。」不過他直言可以繼續做「快吞轟」,但跳Bungy Jump就未敢承諾,「下次再迫我一定會瀨尿!」問到如有機會keep住出歌但要跳Bungy Jump?保錡笑言,「呢樣嘢我今日唔會答你,因為ViuTV有機會剪出嚟,呢幾年真係經歷過太多呢啲嘢,所以我唔夠膽答,因為真係好驚,上次有少少心臟病同埋腳軟仆喺地下,仲係衝破唔到。」

      保錡強調就算不太愛搞笑,但拍節目一樣會盡力做。
      保錡強調就算不太愛搞笑,但拍節目一樣會盡力做。

       

      保錡最近跟鍾慧冰和媚姨合作,主持ViuTV新節目《MM730 - Auntie妳好》繼續搞笑。
      保錡最近跟鍾慧冰和媚姨合作,主持ViuTV新節目《MM730 - Auntie妳好》繼續搞笑。

      這次訪問,明顯看到保錡的轉變,他承認去年花姐承諾給他單飛機會,令他變得積極亦學懂珍惜,「上年年尾時講,呢個project都做咗半年,又經歷咗好多,尤其香港連食餐飯都好難,就知道呢啲嘢要珍惜,真係得嚟不易。」加上去年「自我放假」,令他好好反省,除了工作及做人態度,還包括處理感情事。

      入行目標是做歌手的保錡,拍《ERROR自肥企画》專登去學結他。
      入行目標是做歌手的保錡,拍《ERROR自肥企画》專登去學結他。

       

      保錡跟沙律年初低調分手,結束一年情。
      保錡跟沙律年初低調分手,結束一年情。

      今年1月張沛樂(沙律)接受《頭條》訪問時默認跟保錡分手,她希望保錡能支持她推出的寫真集《CHANGES》,亦想男方「理解吓我裏面文字講嘅嘢。」保錡坦認有睇過寫真集,更唔覺意泄漏分手原因,「我了解佢,但係我想講,我真係生活未穩定到將所有嘢放喺愛情。(未夠資格拍拖?)直情係未有資格拍拖。」以前玩太多的保錡唔想再對感情玩玩吓,「我有好多嘢做得唔夠好,感情上再worse啲,暫時全部嘢都放喺工作上,我諗呢幾年都唔適合拍拖,起碼生活穩定咗先。」

       

      保錡承認有睇過沙律的寫真集,亦明白當中表達意思。
      保錡承認有睇過沙律的寫真集,亦明白當中表達意思。

       

      ERROR日前奪得《Chill Club年度組合-銅獎》。
      ERROR日前奪得《Chill Club年度組合-銅獎》。

       

      更多第5波疫情資訊,請到以下專頁瀏覽 (按此)

      立即下載 | 全新《星島頭條》APP :https://bit.ly/3yLrgYZ

       

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策