車cam直擊｜躁司機不忿被抄牌手機兇交警 網民：抄牌啫做乜搞到咁

網上今日流傳短片，有貨van司機不滿被抄牌，舉起手機一邊拍交通警察，一邊十多次聲大如雷對交警喊：「差人大晒呀！」

該影片未有標示時間及地點，影片看到手持手機拍攝的貨van司機不斷大聲向交警喊「差人大晒呀」，「你頭先講差人大晒，差人可以打人呀嘛，你有無講」、「差人又可以鬧人，可以X人，又可以打人」。他更揚言會將片段放上網。

該位交警則回應表示：「依家唔係差人年代，係警察年代。」「你X我老母先。」「你用咩口吻，我用咩口吻。」「你去警察投訴科我都唔驚你。」之後該交警走到一旁繼續抄牌。

據上傳影片的網友表示，該位司機是他的朋友，因為違例泊車被交警抄牌，網友表示，本來朋友都好合作，但指交警態度惡劣引發今次事件。

不過，網民不多太支持拍片的貨van司機：「未舉機真係無得講。」、「咪俾佢抄囉，咁你係違犯交通條例吖嘛。」、「好心啦！抄牌啫。做乜搞到咁？」、「食得鹹魚抵得渴，犯左交通例收告票就梗㗎啦。」、「純粹以言行而論，真係以為你係『亞美例癲』國民，大聲就是硬道理咩。」、「舉機咁耐點解之前警察講咩又拍啊唔到，之後就不斷挑釁警察發火，錯就係錯比咗幾舊就想閙返夠本。」、「又係違泊當老奉。」

影片來源：車cam特警

立即下載｜全新《星島頭條》APP：https://bit.ly/3yLrgYZ