張栢芝手機被囝囝掉落水 掩面陰功大叫救命呀

張栢芝近年好鍾意同Fans分享私生活，今日買咗咩餸呀、今晚煲乜湯呀、同囝囝去咗邊到呀，仲有不斷Po自家店貨品做宣傳，手機掉咗落水咁大件事，當然要拍片話晒畀全世界知啦。

全家福，栢芝個樣P到變咗十幾歲。

細仔真身唔覺意曝光。

大仔Lucas話咁快14歲，高過阿媽咯。

是咁的，栢芝游水上落水期間拎手機出嚟影相，畀囝囝(唔知邊個仔呢?)一手搶咗再掉落水，栢芝喺自拍中表示，「沉落水底拎返，希望電話冇事啦，唔想買個新呀。」之後佢仲掩面仰天大叫救命呀。

自爆畀個仔掉咗手機落水。

叫晒救命。

然後佢再補多條片，聲稱大家都好關心佢嘅手機，但其實佢個「救命呀PO」冇得留言，唔知佢從咩途徑知道好多人關心佢部手機，佢就咁講嘅，「我手機係OK嘅，即刻攞風筒吹，冇問題嘅，唯一問題就係叉電好慢，希望可以捱到出新iPhone，頂住呀。」原來佢話唔想買部新係因為要等最新嘅電話面世。

最後自拍頂得住。

更多第5波疫情資訊，請到以下專頁瀏覽按此  

立即下載 | 全新《星島頭條》APP: https://bit.ly/3yLrgYZ