黎美言一提HotCha即爆喊 暗指被Crystal傷害最深：死都唔會講

前女子組合HotCha成員張惠雅（Regen）日前在電台訪問中，提及跟隊友黎美言（Winkie）拗撬最多，指對方性格未必每個人都頂得順，因而觸動Winkie神經，於社交網發文怒轟Regen。

今日Winkie為網台節目錄影，當她回應組合問題時多次爆喊，她說：「唔想屈住有情緒病，我唔係扮嘢，我個樣子生得惡，但冇攻擊性，唔會扮大牌。今日喊嘅原因呢世都唔會講，要死忍，忍到最後就贏。不過內心要釋放，唔想好似細佬咁，做呢行喊嘅舉動感到好大壓力。提起佢兩個（Regen及Crystal張紋嘉）可能有傷害，但唔會用媒體力量傷害佢哋，我個樣不及佢哋甜美同入屋，亦唔需喺網上評論自己嘅價值。」

 

黎美言好決絕話HotCha永遠都唔會重組。

 

一講起兩位舊隊友就爆喊。

 

喊到要行開一邊。

 

被大批傳媒包圍做訪問。

 

Winkie在19歲便簽公司，十多年來對組合又愛又恨，她講過好多次無興趣重組，因為頂不順她們的小動作，有甚麼問題可以關埋門講清楚，而不是單打對方。她指出6年前因不開心而轉行做生意，隨著年紀大身邊的朋友自然減少，相反酒肉朋友就好多。Winkie稱會接受Regen的道歉，而Regen亦不是傷害她最深，不過間接承認Crystal才是傷害她最深，至於是甚麼事？她說死入棺材一世也不會講，因重點不是要數她們，組合在女人堆中一定有問題，她指舊公司曾多次出面調解，她亦頂她們不順；相反兩位隊友針頭指向她不公平。

與Regen仍是朋友？Winkie說:「我冇問題，之前曾約出嚟飲茶，因疫情而告吹。（是否與Crystal不再是朋友?）一向都唔好，少溝通。」她重提早年參加拳賽，被指打得大力，有女仔說被她打瘀下巴，她强調沒此事，但兩位舊隊友沒有撐她，反而有落井下石的報道。她自問不是聖人，但言語的威力好大，這些舉動要停，又說有日她們覺得有問題便是和解的一日。

最後Winkie表示近期發生的事情，被網民將她列入某個政治顏色，她自問沒有這麼大膽表態，更不會涉及政治。當年她以藝人身份出席活動分享創業心得，近日在網上瘋傳及攻擊她，Winkie澄清絕對不是大家所講的顏色。

 

黎美言話Regen唔係傷得佢最深一個，暗指係Crystal。

 

Winkie自覺唔夠佢哋咁甜美入屋。

 

接受Regen道歉。

 

Winkie弟弟年前墮樓身亡，至今仍未走出傷痛。

 

更多第5波疫情資訊，請到以下專頁瀏覽按此  

立即下載 | 全新《星島頭條》APP: https://bit.ly/3yLrgYZ