Winkie公開斥Regen自私虛偽狠批舊隊友借自己宣傳新歌

2022-04-24 15:30

前女子組合HotCha拆夥多年，日前成員張惠雅（Regen）接受電台訪問，大爆當年入行被公司壓榨的辛酸史，當中她還提及與另一成員黎美言（Winkie）拗撬最多，她指Winkie性格長氣，不喜歡會直接表達，未必個個人都「頂得順」。怎料Regen的訪問竟惹來Winkie在社交平台公開怒轟。

HotCha拆夥多年，料不到仍有是非發生。

Winkie在社交平台以千字文怒轟Regen借她宣傳新歌，罵對方虛偽、無品兼自私：「其實你過好自己人生，我覺得冇必要再喺你訪問度提起評論我，我哋已經係分開個體。因為對我來講，我都頂唔順你哋性格，人前人後一套，無team spirit（團隊精神），全為自己私心。我鍾意一齊成功而唔係分開成功，所以係我唔玩。不要用這種手法宣傳自己新歌，I am Serious Now . Get out of my Life.（我是認真的，離開我的人生）」。

Winkie又指自己仍未走出胞弟離世的傷痛，她直指Regen在她的傷口上灑鹽：「你訪問說話前可否思考一下？你focus自己可以了。這不是敢言，而是魯莽草率。一路以嚟，做咁多小動作傷害我，我覺得咁多年，手指只係識指向人，可以試吓檢討吓你自己高傲自滿嘅性格，都末必頂得你順。」

Winkie更強調不會再跟Regen及張紋嘉（Crystal）重組HotCha，向fans道歉之餘更稱外界無法想像她在這15年來受到的傷害。

Winkie在IG限時動態撰長文狂鬧Regen。

Winkie又以英文留言指某人已傷害自己多年。

真係好嬲喎。

Winkie又指自己未走出細佬離世傷痛。

Regen聲言不會再提HotCha

而Regen隨即今日在社交平台向Winkie道歉，並以長文回應：「其實個訪問好長講好多嘢，最後標題括邊句都唔係我控制範圍，可能打完呢邊嘢都會比記者括咗唔知邊句又變得好Juicy。其實都30幾歲，每次出嚟訪問仲係提嚟提去呢啲問題標題，其實我自己都覺得好厭倦，又嚟、又問。出道到而家，從來無主動約過任何訪問，自己講嘢唔叻同埋好怕突然上報紙嘅感覺，因為多數無好嘢，所以好少主動接觸記者，訪問裡面其實本身訪問者係問邊個同你最close，同埋有無嗌交？亦都係經常比記者問到，好似啲問題會跟到我落棺材咁，我其實係答同Winkie close啲，因為Winkie好多嘢都直接講出嚟，而我係buy呢一套，我表達唔好，其實係想講好多人未必會接受咩都直接講嘅人，但係我ok佢呢個性格，最近Winkie有同我msg吓，我覺得佢心態改變成熟咗好多，好正面同埋好叻背負好多壓力而自己可以行咗呢條創業路，好專心做好自己嘅事，都會主動關心我情緒。」

留言尾聲，Regen表示日後不會再提及HotCha，以免再引起誤會，她又說：「其實做完一首歌，應該無一個歌手係希望用八卦嘢去宣傳。」