黎美言為生仔不設防 疫情開工做足防疫保護

黎美言（Winkie）日前與紅酒KOL May Wong拍攝網片，走訪香港隱世食店，了解受疫情打擊的餐飲業近況。Winkie坦言疫情下開工會緊張，但全程戴上口罩做足保護：「話唔驚就假嘅，但保護功夫都做到足嘅，好似都袋住啲清潔用品咁，隨時保持個人衛生囉！雖然會有啲擔心，但呢個係我過年後嘅第一個工作，所以都叫有個好開始，跟住KOL May May去拜訪啲食店老闆，學吓點做生意偷吓師。」

 

Winkie就話自己開辦跳舞學校多年都穩賺，直指生意不俗想再發展：「因為大家都記得我跳舞出身，所以都好信我哋嘅課程，但而家就係去到樽頸位，要學吓點樣管理人手，呢日訪問嘅老闆個個都身經百戰，要學吓人地點樣做生意。」

 

黎美言訪問嘅老闆個個都身經百戰，佢話從中學吓點樣做生意。

 

Winkie坦言疫情下開工會緊張，全程戴住口罩。

 

她笑言新年剛過去，疫情下不用拜年，沒有被親友逼婚。Winkie就話早前社交網站重貼工作婚照，引起朋友關注：「朋友問我係咪宣傳婚訊？又話太遲生BB會有難度，搞到我都要諗吓係咪要雪卵！（依家不設防準備生小朋友？）唔識答添⋯⋯總之順期自然囉。」

 

同場的紅酒KOL May May就大讚Winkie有做生意天份，虛心學習受訪者的故事，笑言未知子女是否對方Fans：「我都唔知佢哋有冇聽過HotCha，但準備幫佢哋搵Winkie拜師學跳舞，希望有師傅一半嘅成績啦。」

 

Winkie都擔心年紀大生仔有難度，考慮雪卵。

 

Winkie開辦嘅跳舞學校多年來都穩賺。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ