金旻奎爆紅令玩貓片出土網友超羨慕好想做隻貓

2022-04-15 11:00

因為主演《社內相親》，令飾演「車成勳」的男二金旻奎人氣飆升，佢同女二薛仁雅的鏡頭後互動又甜又好笑。金旻奎之前冇乜參與綜藝節目，不過爆紅嘅佢將會參與《家師父一體》成為一日弟子，節目將於4月24日播出。

金旻奎同薛仁雅嘅花絮片好好睇。

金旻奎戴眼鏡世一。

另外，游泳運動員出身的金旻奎除咗擁有結實Body外，唱歌仲好好聽，因為紅咗，考古是常識，金旻奎以往玩貓片亦出土。

佢叫Xiami，最愛撒嬌。

金旻奎形容Xian「很講義氣、很善良」。

黃貓Kun好細膽，連金旻奎都唔可以掂佢，只有姐姐Xian可以親近佢。

金旻奎養有3隻貓貓，分別係10歲的暹羅貓「Xiami」、8歲的俄羅斯藍貓「Xian」和8歲的肥貓「Kun」，其中兩隻是流浪貓。金旻奎經常在IG分享與貓快樂生活之日常，更會配上可愛的設計對白，他曾在訪問中稱愛貓是「生活的活力素和原動力」，給他安慰的同時也令他更有責任感。去年，金旻奎帶住比較親人的Xiami和Xian一齊影寫真，兩隻毛孩到達陌生的拍攝場地好驚青，緊張得不斷匿，靚仔貓奴就喺旁邊溫柔呼喚，又非常有耐性咁哄佢哋出嚟，惹得網友大讚「貓貓好可愛，但我想把旻奎帶回家」、「這些貓咪好幸運哦，我都想成為其中之一」、「看得出他是真正的愛貓人士」。