蘇皓兒獲As One舊隊友賀牛一 壽星帶埋愛貓出席識女仔

蘇皓兒（Chloe）本月6日度過28歲生日，獲昔日女團組合「As One」隊友陳葦璇及懷孕中嘅陳苑澄同佢慶祝，由於呢期《Candy Ball》翻紅，《全民造星IV》同《肥美人》都有人唱，識睇緊係睇原裝啦！

 

睇相已經好似有音樂飄出嚟。

 

三人齊集葦璇屋企，壽星女仲帶埋愛貓皮皮到達，「皮皮都大個啦，間唔中要帶佢出去識女仔。」之但係屋主本身養有三隻貓，雖知道貓嘅地盤意識好強，睇片見到皮皮四圍哄，又聞貓，嚇到其中兩隻貓都唔敢行近，陳葦璇笑言「全家進入驚恐狀態」，冇發生血案算好彩。

 

Chloe愛貓係咁哄葦璇貓貓，睇吓右邊嗰隻。

 

仲有一隻伏喺高空位置。

 

從大合照可見，三人髮型有九成相似，其中有張相見到陳葦璇抱住皮皮，但貓貓極度掙扎，搞到葦璇都留言畀Chloe，「你個仔皮皮真係好崩壞😂😂😂希望你今年可以教好佢。」貓奴網友應該睇得好開心。

 

呢張相主力睇貓。

 

Chloe及葦璇抱住嘅都係後者嘅愛貓。

 

三個嘅髮型都好似。

 

皮皮好靚仔。

 

更多第5波疫情資訊，請到以下專頁瀏覽按此  

立即下載 | 全新《星島頭條》APP : https://bit.ly/3yLrgYZ