JW與富二代男友排隊買兩餸飯貼地行為獲網民大讚

2022-04-14 16:30

受新冠疫情影響，開到成行成市的兩餸飯店舖成為打工仔恩物，加上晚市堂食未放寬，兩餸飯都幫到好多「無飯」家庭。早前有間兩餸飯店舖，過百人在店外排長龍的畫面引起網民討論，連JW（王灝兒）與卓悅太子爺男友葉韋彤（Tarzan）都感到好奇，昨日（13日）於IG分享排隊幫襯該兩餸飯店舖的照片，網民都大讚他們貼地。

JW排緊乜？

係打工仔恩物兩餸飯呀！

JW買飯，富二代男友操刀影相打卡。

JW昨日於IG上載多張男友視角照片，「咁多人排隊我哋又去買吓兩餸飯！！😂😂😂 又真係幾好食喎！！」連DJ梁文禮都留言：「糖醋骨！😂😂」似乎係想推薦JW，叫兩餸飯識食一定係食糖醋骨！而JW都回覆表示覺得全部餸都唔錯。導演王晶女兒王子涵就驚訝JW竟然去排隊，「我住附近，見到條隊都即刻掉頭走🤣🤣🤣」，不過JW就透露他們是避開繁忙時間去幫襯，看來是不想阻礙趕買飯的打工仔，真係好識做呀！