麥浚龍女友PO甜笑合照高調賀拍拖12周年

2022-04-14 09:30

近年麥浚龍（Juno）同中英混血女友Janine(戴庚玲)拍拖愈嚟愈高調，雖然距離拖手出席公開場合仲有一段距離，但兩人在IG互動愈嚟愈密。上月，Juno 38歲生日，女友在IG貼出兩人的生活照再留言：「Rise and shine， birthday boy. Love ya， never put no one above ya. 」形容Juno是自己最愛，冇人俾佢更重要，罕有隔空示愛，而Juno也少有地留言回應女友：「My love.」

兩人罕有放閃。

背面合照。

兩人連啲生活照都好鬼藝術。

昨日，Janine又上載同Juno嘅黑白合照，相中男方背向鏡頭，女方就露齒甜笑望住男友，留言，「Twelve years of us.」(我們的12年)。Janine今年40歲，但Juno多次提到自己唔會結婚亦唔會生小朋友，「我的愛情觀很簡單，喜歡一個人就會一直喜歡。我哋冇結婚計劃，因為我唔太叻面對小朋友，感覺呢個世界愈嚟愈複雜，係冇需要將新生命帶嚟呢度。」甚至講到明，「結婚也不等於愛對方。我喜歡浪漫，會覺得有小朋友會令兩個人之間的愛分散。」難得Janine同Juno同樣諗法，最緊要開心。