Jeremy主持新節目下周一出街 帶隊執屋教斷捨離

MIRROR成員李駿傑（Jeremy）繼2月推出個人首支單曲《半》後，最近再有新嘗試，昨日（12日）他在IG公佈，由他主持的綜藝節目《GO！執！事務所》，將於下周一（18日）晚11時首播。

 

Jeremy繼2月推出個人首支單曲《半》後，最近再有新嘗試。

 

Jeremy在節目中會帶隊執屋，一行四人教大家斷捨離，他寫道：「今次有我Go執事務所，隊長Aka，首席執事Jeremy（係時候要show吓我真本事了）帶領住客服執事阿正，一個水瓶座唔鍾意執屋嘅執屋新手，但係我相信佢逐漸明白到執完屋之後嘅開心，一直都想合作嘅Artist，今次如願了，好在有佢幫手做CS，我哋事務所先順順利利。」

 

Jeremy今次挑戰做主持，幫手執屋。

 

同阿正合作，應該有唔少笑料。

 

他再介紹另外兩名隊員JanJan和阿橙，Jeremy續稱：「仲有氣場執事JanJan，好落力執屋，同時間會share好多其他關於氣場之類的資訊嘅奇女子，除了平時拍節目之外，還會教導我其他的知識，超好人、超Nice，大家記得留意佢畀嘅小tips。最後係收納執事阿橙，佢係我地呢個節目嘅中心，冇咗佢點執到屋，同時間佢都係一個反差幾大嘅人，有佢係度除咗學到好多嘢，每一日都好好笑，就係咁Go！執！事務所就是由我哋四個組成，為大家解決一切需要斷捨離嘅空間，大家要記得收睇啦！」一眾Unicorns（粉絲暱稱）都表示期待，更有人笑言：「會唔會見到你徒手捉小強？」

 

節目下周一（18日）出街。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ