黃梓豪被爆偷食約砲潛水兩個月 Po練波片再被網友狙擊

曾参加《全民造星II》40強止步的22歲前職業足球員黃梓豪，去年加入YouTube頻道「試當真」，本來前途一片光明，但2月中有人在連登出爆料Po，「試當真黃梓豪拋棄糟糠 出軌約砲［多圖］」網民表示「代朋友出post」，直指對方曾背女友出軌、約砲、吸食大麻（隊草），最後更作出呼籲：「我想各位睇清楚佢嘅為人，唔好再俾佢表面陽光純真嘅形象呃到！亦唔希望有下個受害者。」

參加《造星II》40強止步。

加入試當真。

被爆有女朋友仲係咁偷食。

梓豪在連登帖文曝光後，於其IG限時動態中作出道歉：「我希望在此再次向前女友道歉，為過往行爲同說話道歉，而呢段關係亦已告一段落，因為感情問題處理不當而影響公眾，對唔住」。另外他亦單方面稱暫時退出「試當真」幕前工作，而「試當真」IG亦已經Unfollow咗黃梓豪，之後梓豪都未有再更新IG。

爆料PO一出梓豪即道歉兼潛水。

不過，潛水近兩個月，梓豪重新出Po，有佢練波嘅片，又有同朋友喺郊外影嘅合照，見梓豪都幾好笑容，睇嚟已將爆料事放低，不過，網民記性一向好，兩個帖文嘅留言都有唔少Fans留言，「隔一排上水扮無嘢啊？」、「唔知消失嗰段時間食咗幾多條女呢」、「你條咸濕仔終於上水」一係就串佢吸食大麻，總之冇句好嘢。

梓豪匿埋近兩個月出新PO。

天台練波。

影吓夕陽景。

同朋友去郊遊。

梓豪好似大隻咗。

仲幾好笑容。

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ