金宵2丨伍詠薇演操控狂阿媽七情上面癲狂演出40秒大晒演技

2022-04-07 15:00

TVB新劇《金宵大廈2》今星期首播，當中播出的其中一個單元「雙魚」，故事圍繞伍詠薇飾演操控狂母親李淑芬；以及蘇皓兒飾受虐毀容女兒渺渺。昨日（6日）一集中講到伍詠薇見到牆壁出現抹不走的污跡，突然發狂對着空氣爆鬧道：「我有邊度做錯？邊度做得唔好？」、「死人爛鬼屋，唔好同我作對呀！整爛你呀！」、「渺渺囉！佢條命生得唔好」等，足足癲狂40秒，大晒演技。

伍姑娘飾演毀容蘇皓兒（左）的媽咪。

七情上面。

狂笑

手指指鬧間屋。

伍姑娘一口氣表現驚訝、藐視等表情，及後又十分傷心抱怨女兒命運不好，但轉又突然又笑又嬲，直至最後發癲狂鬧，七情上面。雖然中間有剪接位，並非一鏡到底，但不少觀眾及網民也大讚伍姑娘的演出，稱她可以做羅蘭接班人：「伍姑娘兇起上嚟好有殺氣」、「眼神充滿妖邪之氣」、「搵啱戲路，可接羅蘭姐棒」、「對住個女笑容好心寒」。

蘇皓兒扮的毀容女都十分搶鏡。

兩母女相依為命。

另外，伍姑娘昨晚與「細佬」陳山聰在IG做 Live 與劇迷互動，山聰大爆伍姑娘拍攝時在現場十多個鐘完全不吃東西，表現十分投入。而伍姑娘則對於山聰露股大感驚訝，對於 Pat Pat 被讚又滑又結實，山聰笑言：「監製做咗好多手腳，我睇完晒個劇本都知冇計，嗰個 Shot 一定要自己嚟。」二人又透露近19年冇合作過，故十分珍惜劇中同場戲份。而《金宵 2》雖只播了短短3天，但除了在豆瓣獲得 8.8 超高評分外，更登上一周華語口碑劇集榜 No.1，成績突出。