娟姐上載爆笑《反起跑》花絮 誤用力拍到肥仔爆粗「好X痛呀」

ViuTV原創劇《反起跑線聯盟》本周五大結局，娟姐同肥仔呢Pair夫婦最得觀眾歡心，因為夠寫實，似足觀眾嘅左鄰右里。

好鍾意做直播嘅羅氏一家。

 

娟姐Po咗段劇中爆笑花絮片段，劇情講述，一眾家長上堂學習點樣同仔女去名校面試，羅生即肥仔掛住瞓，羅太聽聽吓就叫醒老公，叫唔醒就諗住拍醒佢，點知娟姐唔識用力，一嘢拍到肥仔摸住肚彈起身，仲爆咗句粗「好X痛呀。」全場爆笑。娟姐留言：「我諗真係要上返戲劇班，因為到咗今時今日， 我仲未識『演』，所以只有真做，即係真打. .難為了肚皮 @fatboyip，紅都面哂應該真係好X痛。」肥仔冇回應，但有份拍《反起跑線聯盟》同《晚吹-有酒今晚吹》嘅強尼就撩交打嘞：「晚吹個坐位隔咁遠，你知唔知我要求咗幾耐呀？」娟姐飲大兩杯可能仲大力，強尼呢啲叫撩鬼攞命喎。

 

娟姐好留心上堂。

拍醒肥仔。

肥仔痛醒。

肥仔痛到爆粗，全場爆笑。

娟姐唔好意思但都一齊笑。

肥仔痛到要坐埋一邊。

強尼撩鬼攞命。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ