肥仔惡搞經理人遭報復 姜濤貪玩加入戰團放「肉照」

MIRROR的姜濤與ERROR隊長梁業（肥仔）向來老友，二人更以師徒相稱，不時互相開玩笑。肥仔近日孖住經理人濟哥拍銀行廣告搵真銀，昨日（9日）他在社交網上載濟哥拍廣告時多張生硬照片，並笑封對方為「ERROR新形體大師」，肥仔得戚表示：「實在太多，我驚佢嬲，今日係咁多先，睇吓反應再決定點。」

 

真硬照。

 

經理人的姿勢被肥仔取笑。

 

見字都感受到經理人的無奈。

 

濟哥也不甘示弱出手還擊，在社交網公開肥仔瞓覺短片，而貪玩的姜濤見狀亦加入戰團，他先幫肥仔貼出濟哥拍廣告的黑圖，但下一秒卻掉轉槍頭，連環貼出3張肥仔半裸上身露點兼晒大肚腩的照片，還有濟哥從後擁抱肥仔的HeHe合照，他留言：「每一個成功的男人，都會有你（濟哥）的存在。」肥仔看見後轉載姜濤的帖文無奈表示︰「我搞佢咪算囉，你做咩搞埋我？」

 

姜濤出手。

 

肥仔問姜濤做乜搞埋自己。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ