Juicy叮｜18歲兒愛上23歲外傭 港爸讚靚女乖巧︰唔介意佢做新抱

不少家庭都會聘請外傭打理家頭細務，一名港爸於社交網發文指，其18歲兒子告訴他，稱愛上了23歲的外傭姐姐，不知道如何開口示愛。港爸表明與妻子均不反對，更稱「唔介意佢做新抱」，惟擔心女方未必喜歡兒子，故向網民詢問應如何是好。

該名港爸於facebook群組「香港僱主討論區（外傭/鐘點/陪月/本地ee）」發文指，其18歲兒子早前主動告知，「佢鍾意咗工人姐姐，唔知點開口好」。港爸直言不介意外傭姐姐成為未來新抱，又大讚對方有學歷、為人乖巧，且外貌出眾兼「話頭醒尾」，故向網民詢問，「應唔應該暗示俾工人姐姐聽？」。

港爸透露，聘請該名姐姐主要幫忙執屋、打掃花園的花草樹木，現時與她還有1年合約，雖然自己與妻子都以兒子的意見為主，但亦要尊重女方的想法，認為要先「試探」外傭姐姐是否對兒子亦抱有好感，「同佢傾下睇下佢鍾意咩男仔……都係問下姐姐先」。

帖文引起網民熱論，有網民讚港爸開明，「少男心事都同你講，證明佢同你嘅關係都唔錯」；有人則建議應小心處理，「梗係順其自然扮唔知啦，拍拖又唔係一定可以一齊，一陣佢哋分咗手仲麻煩到你」、「要俾佢知道不論结果如何都唔會影響大家既有嘅關係」。

資料來源：香港僱主討論區(外傭/鐘點/陪月/本地ee)

立即下載｜全新《星島頭條》APP：https://bit.ly/3yLrgYZ