Juicy叮｜染疫康復後同事唔敢行近 打工仔呻：可否唔好歧視我

本港疫情持續，不少市民亦做足保護措施免受感染。有打工仔於討論區發文指，早前確診新冠肺炎，康復後回辦公室上班時，發現同事疑經常藉機避開他，令他甚感無奈，直言「我已經好返晒㗎啦，可唔可以唔好歧視我」。

該名打工仔於香港討論區發文指，早前確診新冠肺炎，公司安排在家工作，「同事都有關心吓我」，在自我隔離一段日子和檢測呈陰性後，公司便通知他可回辦公室上班。沒料樓主上班數天後，同事疑經常藉機避開他，「無同事敢過嚟我個位同我講嘢，而且食lunch都冇人同我食」；每當有公事需詢問時，同事都選擇以電郵回覆，稱較正式及可留下紀錄，「仲叫我啱啱好返，唔好周圍行」。

其後，到午飯時間，他詢問同事午餐吃什麼時，對方竟指已經叫了炸雞及薄餅外賣，「仲話佢地平時都係食啲唔健康嘅外賣」，並稱樓主剛確診康復，不宜吃過於油膩的食物，「要食健康啲，叫我多啲帶飯」、「叫我遲啲個人真係好返先一齊食呢啲肥肥嘢」。樓主聞言甚感無奈，自覺疑遭同事排擠，「我已經好返晒㗎啦 可唔可以唔好歧視我」。

帖文引起網民熱論，有網民批評樓主同事舉止誇張，「啲同事使咪做到咁出面」、「愈嚟愈多人中，佢地係咪唔使同其他人接觸」；亦有不少網民籲應相互理解，「同事唔係朋友，佢地只想自保，唔需要俾同事影響情緒」、「暫時好多人都係咁，唔使咁介意」、「大家都是心理障礙，將心比心，個個都怕，理解下佢哋啦」。　  

資料來源：香港討論區

更多新冠疫情資訊請到以下專頁瀏覽：（按此）
立即下載｜全新《星島頭條》APP：https://bit.ly/3yLrgYZ