拍拖5年男友婚前驗出癌症 女網民不欲分手感彷徨

有女網民在「香港討論區」討論區發文，拍拖5年的男友在婚前身體檢查才確診癌症，男友打算分手，她不知如何是好，於是向網民求助。

發文者稱，同男友拍拖5年，準備明年結婚，但做身體檢查時發現有些指數異常，再做詳細檢查之後，發現他患上癌症，原來男友平時身體有些症狀但被忽視。發文者其後補充，男友患上是「神經內分泌腫瘤」第一期，現在服藥控制病情，如果情況惡化就要做手術。她大感傍徨，「佢知道之後好平靜咁話同我分手，話費事拖累我人生，但我唔捨得，點算好？」

有網民就說，「講真如果你唔係真係年紀咁大要急住結婚生BB，我覺得呢段時間我覺得你應該要陪佢面對呢個病，陪佢睇醫生面對呢個病情，將來能唔能夠結婚係另一回事，你哋大家都相處咗五年都係愛對方，我覺得你要陪伴住佢，有時男人講呢啲都係心入面嘅反話，如果佢能夠度過咗呢個難關，呢個男人一生一世都愛你。結婚嘅誓詞嘅，佢會講無論你生老病死都係會陪伴對方。」

有人就認為，「如果真心愛佢,就算唔結婚,都可以陪佢醫病。醫好就安心結婚,醫唔好都總算陪佢走完最後一程。」。

不過也有人覺得，「其實分手可能對雙方最好，留低最好的一面比對方。若果一齊面對好多時係被逼要見對方最醜陋的一面，對雙方都唔好。最後即使醫好都變成最恐怖回憶，好多時兩個一齊面對完個病好返後都好快分手...共患難後有非常大陰影，再面對唔到對方」。

帖文轉載自 「臨結婚bf先check到有cancer」

立即下載｜全新《星島頭條》APP：https://bit.ly/3yLrgYZ