獨家丨張偉文逃離鬼門關忍唔住喊 暴瘦50磅「斷片」唔知病危

2022-03-27 22:30

張偉文逃離鬼門關跟經理人方俊忍唔住爆喊 。
張偉文逃離鬼門關跟經理人方俊忍唔住爆喊 。

上月19日,69歲「靚聲王」張偉文因所住嘅安老院爆發疫情而感染入院,情況一度唔樂觀,幸而留院個多月後康復出院。本周一(21日) 張偉文終能返回安老院舍。《頭條日報》記者直擊兩日,大病初癒嘅張偉文除咗有啲疲態,反應較慢外,仲暴瘦咗超過50磅,肚腩都冇埋,當日「筷子腳」重現,經理人方俊(Aman)形容張偉文瘦到條脊骨冇晒肉好心痛,好彩昔日嘅「飲歌」仍琅琅上口,張偉文保證會為歌迷繼續唱歌。採訪:方騫平 攝影:沈健程

兩人一見面就對住喊,恍如隔世,方俊即為張偉文抹眼淚。
兩人一見面就對住喊,恍如隔世,方俊即為張偉文抹眼淚。

張偉文逃離鬼門關,出院後方俊喺茶餐廳重遇張偉文一刻恍如隔世,兩人緊握雙手,不禁流下男兒淚,喊足幾分鐘。不過,暴瘦咗一個碼嘅張偉文因為「斷片」,唔太清楚到底發生乜嘢事,只知太耐見唔到至親嘅人,眼見對方咁激動而大受感動。

兩人喊足幾分鐘。
兩人喊足幾分鐘。
出院後的張偉文瘦咗成個碼,冇咗肚腩及再現「筷子腳」。
出院後的張偉文瘦咗成個碼,冇咗肚腩及再現「筷子腳」。
兩年前張偉文受腰患困擾,體重曾暴跌100磅得返90磅,驚現「筷子腳」。
兩年前張偉文受腰患困擾,體重曾暴跌100磅得返90磅,驚現「筷子腳」。
確診前張偉文有大肚腩,要轉用手推輪椅。
確診前張偉文有大肚腩,要轉用手推輪椅。
張偉文最愛食嘢,最重時體重超過200磅。
張偉文最愛食嘢,最重時體重超過200磅。

只記得入院時好凍

用餐期間方俊耐心跟張偉文講「故事」,又將藝人為佢打氣嘅片段播畀佢睇,兼且解釋因為長期臥牀,所以背部嘅壓瘡有兩隻手掌咁大。偉文一味搖頭話唔知發生咁大件事,他腦海僅留殘餘片段:「好似發夢,空白咗咁,我只係覺得個背脊好痕好唔舒服,入院當日好凍,stand by入病房時啲人行動好迅速,同埋我有問過啲阿Sir(醫護)點解我會喺呢度?之前喉嚨夾雜個頭都好痛…」方俊為拾回張偉文記憶,問他記唔記得《每當變幻時》點唱?縱使患病期間因為一邊肺花晒未完全復元,聲線不及以前嘹亮,他依然唱到幾句,呢刻又再次搞喊方俊,拭著淚的方俊說:「歌迷、朋友都好擔心你,𠵱家冇事喇!」但張偉文對百感交集嘅方俊一臉茫然,焦點竟落喺面前嘅沙嗲牛肉麵上,仲食埋方俊柯打嘅雞翼及薯條,好好胃口。

方俊跟張偉文分享藝人為他打氣的片段。
方俊跟張偉文分享藝人為他打氣的片段。
張偉文出院後「隊」咗成碗沙嗲牛肉麵。
張偉文出院後「隊」咗成碗沙嗲牛肉麵。
中途突然停低,原來方俊要幫張偉文搲背脊。
中途突然停低,原來方俊要幫張偉文搲背脊。

一臉疲累但好胃口
住院期間張偉文一度情況唔樂觀貼近鬼門關,記者問他驚唔驚?張偉文雖然一臉疲態,但仲帶點精靈幽記者一默說:「唔驚!我都見唔到鬼門關。」至於康復後係咪繼續唱歌?偉文說:「唔會亂唱,如果人哋叫你就做變咗唔重要,嘥大家時間,為做而做好肉酸,又唔係冇嘢做唔使搞成咁。」方俊見偉文病容表示好心痛:「之前我哋成日帶佢出嚟食嘢,體重急升超過200磅,個肚腩頂住個枱,𠵱家病到面口及肚腩都凹晒。」另外,張偉文出院翌日,做完物理治療後到觀塘環星娛樂拍答謝片。記者見他比先前一日更累,不時低頭養神唔多講嘢,由姚煒姐、方麗盈及男助手輪流為他按摩,但當記者追問他錄完後想返老人院休息定去食嘢?他即秒速答:「食嘢。」

可能未完全復元,張偉文出院翌日精神唔多好,說話較前一日少。
可能未完全復元,張偉文出院翌日精神唔多好,說話較前一日少。
環星娛樂歌手方麗盈(左後1起)、老闆張國林、姚煒、尹光及方俊(前右1)跟張偉文拍答謝片。
環星娛樂歌手方麗盈(左後1起)、老闆張國林、姚煒、尹光及方俊(前右1)跟張偉文拍答謝片。
姚煒好錫張偉文,親自幫他按摩。
姚煒好錫張偉文,親自幫他按摩。
去年12月,張偉文跟姚煒及方俊同台演出。
去年12月,張偉文跟姚煒及方俊同台演出。

更多第5波疫情資訊,請到以下專頁瀏覽(按此
立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad