元斌新廣告曝光依舊靚仔 12年冇新作未搵啱劇本回歸

憑韓劇《藍色生死戀》紅遍亞洲的韓國男星元斌，近日為代言出山拍攝廣告，日前品牌將宣傳片上載到YouTube。可見久未露面的他Keep得非常好，身穿西裝一副男神樣電暈網民，大家驚訝原來元斌已經44歲，大讚他依然靚仔。

 

元斌（左）2000年憑韓劇《藍色生死戀》紅遍亞洲。

 

網民大讚元斌Keep得好。

 

元斌除了靚仔，仲好有實力，多年前已經奪得多個影帝獎項。不過他從來都不是多產演員，以前顛峰時期多數都係一年一部作品。自2010年拍完電影《大叔》後就冇再接戲，Fans等足12年都未睇到偶像新作。去年曾傳出他會復出拍劇集《不可殺：永生之靈》，不過最後劇集播完都唔見元斌身影在其中。元斌所屬公司回應指的確有收到劇本邀約，但元斌仍未找到適合回歸的作品，而《不可殺：永生之靈》男主角最後就由《Sweet Home》的李陣郁演出。看來元斌自2015年與女演員李娜英結婚兼做埋老竇，真係好享受家庭生活，仍然無意復出噃！

 

Fans好希望元斌再出新作。

 

元斌（右）已有12年冇拍戲劇作品。

 

元斌對上一套作品是《大叔》，他更憑此作奪得青龍獎影帝。

 

元斌2015年與演員李娜英結婚，同年做埋爸爸。

 

 

更多第5波疫情資訊，請到以下專頁瀏覽按此

立即下載 | 全新《星島頭條》APP : https://bit.ly/3yLrgYZ