黃偉文入圍世界百大俊男感尷尬 發表退選宣言求官方除名

近日美國網站「TC Candler」公佈2022年世界百大俊男美女入圍名單，不過近日多名入圍的香港男女明星都惹來質疑，認為該榜公信力不足。但網民發現其實該網站有講明課金的話，網站就唔可以Skip咗課金者提出的提名者。而香港時間昨晚（26日）「TC Candler」再公佈多一批入圍者，其中就驚現著名填詞人黃偉文（Wyman）！

 

日前連唔係賣外表的ERROR都四子全入圍。

 

大家可以留意返奇洛李維斯呢張圖，官方自己揀嘅入圍者係冇課金Logo。

 

最新公佈嘅一批入圍者中，驚現填詞人Wyman！

 

Wyman得知自己入圍世界百大俊男似乎一啲都Feel唔到開心，反而感到萬分尷尬，他即時於「TC Candler」的IG問官方可否撤回他的提名。有香港的網民留言表示：「Wyman笑到我喊😂😂😭😭」，Wyman都知他入圍世界百大俊男的消息會引來網民嘲笑，今日他於IG發表退選宣言：「首先，成件事我並無『參賽』完全被動，被提名咗都唔知咩事。陪大家開個玩笑，被大家惡作劇一下，喺疫情中提供一點歡樂，我係ok嘅，但我係無份用任何方式『搞』自己入去呢個名單嘅，非我性格亦非我所求，唯獨呢件事一定要講清楚。」

 

Wyman希望官方除佢名。

 

Wyman發表退選宣言。

 

Wyman話自己知自己事，希望大家笑完就算，亦都希望大家尊重他不想爭百大俊男的意願，跪求官方讓他退選。而他更誠心詢問網民：「真正最想問係有冇得唔接受提名，要求有關方面將我除名㗎？」又叫大家不用恭喜他，稱自己不貪求這些名銜，仲講笑問會唔會最後入選名單人數有幾百萬個？

 

入圍世界百大俊男令Wyman感尷尬。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ