獨家丨韓亞光新冠康復出關瘋狂shopping 死過翻生𠱁目己開心

2022-03-12 12:00

第5波疫情嚴峻，唔少圈中人都中招。韓亞光（Fire 前名韓光亮）上月亦不明源頭下確診，病咗足足兩周。染病期間辛苦到無命，腰酸背痛外，仲喉嚨劇痛、發燒發冷。今次患病體驗，令佢更重視健康，唔敢再夜瞓，同埋真係要珍惜眼前人。

韓亞光患病時辛苦到死，冇晒動力日日夜夜都係瞓。

出關即往名店購物。

限量版包包刻咗韓亞光個英文名簡寫。

韓亞光話：「人生無常，好多時計劃趕不上預期，今次受感染冇咗韓國品牌廣告，痛失咗六位數字，所以𠵱家要及時行樂，對自己好啲。」Fire病癒出關後第一時間去咗名店shopping，豪花近十萬分別購下價值6萬蚊嘅限量版盒子袋及2萬8嘅新款袋，然後再進攻果欄狂掃水果，直言抗疫疲勞，要𠱁吓自己開心，當係獎勵過去付出嘅努力。問到周圍去，唔怕再中招？佢強調做好防疫，除勤洗手，還會戴帽。Fire又透露待休息多一段時間，就會進行新歌錄音及拍攝MV，今年絕不鬆懈。